Actividades culturales de branu n’Iruela

Iruela presenta las actividades que va oufiertar a partir d’esti vienres nesti branu del 2016

13906662_10209631396089091_5355124399716740214_nNesta ocasión van centrase nas mididas de protección de las aves pul sistema d’aniellamientus, na etnografía y folclore musical, asina cumu na fala tradicional cabreiresa.

Días 12 y 13 d’agostu – Aniellamientu d’aves

Cuñoz las aves de la ñuesa redolada nuna xornada d’aniellamientu, al cargu de Juancho Calleja y Beatriz Vigalongo, biólogus y miembrus del grupu ornitolóxicu SEO-Monticola.

  • Día 12, 18:30 h, na escuela: Conferencia introductoria “¿Qué es el anillamiento científico de aves?”.
  • Día 13, de 8:00 a 12:00 h, xunto a l’armita de San Antonio: Xornada d’aniellamientu d’aves pa rapaces y mayores. Aconséyase achegar a las primeiras horas, onque tamién se puede en cualquier momentu de la mañana.

Día 14 d’agostu – Tradición oral en Llión y Cabreira

  • 18:30 h, na escuela: Charla sobre lus cantares, cuentus, ditus y beilles populares de Llión y Cabreira, impartida pur David Álvarez Cárcamo, folclorista, tamboriteiru y profesor d’historia.

Día 19 d’agostu – El cabreirés

  • 19:00 h, na escuela: Clase maxistral sobre la fala cabreiresa pa que lus vecinus puedan recuñocer la sua propia llengua y pur qu’aqueillus que nun la falen puedan cuñocela y nun pierdan esta llengua declarada pula UNESCO en vías de desaparición. Impartida pur Iván Martínez Lobo, cabreirés y miembru de l’Asociación Cultural Faceira.

Deja un comentario

Tu dirección de correo electrónico no será publicada. Los campos obligatorios están marcados con *