¡Ai San Antonio benditu!

Sería imposible cuntar cuantas fonon las veces nas qu’esta espresión esclamativa foi articulada pur llabios cabreireses, y yía que la gran devoción que se tien a esti santu llisboeta en Cabreira yía bien sabida

«Capítulo de las esteras», obra del pintor valencianu Josep Benlliure.

«Capítulo de las esteras», obra del pintor valencianu Josep Benlliure.

Cumu cada 13 de San Juan vuelve rindise homenaxe a San Antonio de Padua, el Santu pertugués al que se-ye cuñoz pul sou gran talentu cumu predicador y que la mirma Igresia católica recuñociéu tamién cumu Doctor evanxélicu.

En Cabreira son abondos los llugares nos que nos próximos días van celebrase actos festivos y relixosos n’honor al Santu, cumu yía’l casu de Saceda, Pombriegu, Corporales, La Baña,  Llousadiella, Manzaneda (que tien una armita n’honor a San Antonio de Padua) ou Santolaya.

Vieyu cartel de las Danzas de San antonio de Santolaya

Vieyu cartel de las Danzas de San antonio de Santolaya

Quiciás yía nesti últimu llugar onde la fiesta de San Antonio siempre tuvo una especial tradición. Y yía qu’en Santolaya son bien chamadeiras las danzas qu’antias se facían nesti día y qu’anguaño yá se perdieron. D’antiguo, tras la Santa Misa de la mañana cantabáse’l Ramu y salía la precesión cunos danzantes.

Pula tarde representábase la vida y milagros del santu, que cuna musiquina d’un gaiteiru acompañaba no beille a los danzantes y los personaxes de la Dama y el Graciosu. Los danzantes vistían calzones y camisas de llinu, llevaban un pañuelu llargu de cerras y sobre la cabeza un gorru adornáu cun tirelos y prumas, xunto cun unas castañuelas en cada mano. La Dama llevaba tocáu brancu y las meyores prendas que tuviera, mientras que’l Graciosu diba revestíu esmelendriáu, cun unos chucayos ataos al llombu y na mano llevaba un palu cun un botu de maciar el lleite cuno qu’abría’l pasu entre la multitú faciendo rir a la xente.

Deja un comentario

Tu dirección de correo electrónico no será publicada. Los campos obligatorios están marcados con *