Arruxando’l fornu pal tornéu de fútbol sala de Cabreira 2016

Preparade vuesas meyores roupas pa facé deporte: las zapatiellas, lus chapines llargus, camisetas y pantalones curtius…, purque la segunda edición del «Torneo de Fútbol Sala La Cabrera» yá está eiquina

12512702_817382641705138_7887815774623446555_n

II tornéu futbol sala 2016

Debíu al gran ésitu que l’añu pasáu toviera la primeira edición d’esti tornéu de fútbol organizáu pulla delegación cabreiresa de Nuevas Generaciones del Partido Popular llionés, estiañu vamus tené outra vé la oportunidá de pasá un buen ratín entre cabreireses, yá seya cumu espectadores ou cumu xugadores, gracias a esta iniciativa que parez va tené continuidá nus próximus añus pur cuenta de la gran aceptación que toviera yá dende la postreira edición.

Estiañu’l tornéu va celebrase lus días 19 y 20 de marciu nus puebrus de Trueitas y La Baña, y cumu ñovedá, el tornéu será dobre yá qu’habrá dous categorías, masculina y femenina, caúna cuñu sou premiu.

L’importe pa inscribise nesta competición va sé de 80 eurus pur equipu y podrá facese falando cuñas organizadoras del eventu ñus siguientes teléfonus: Inma (650-737-450) y Alba (675-083-076).

Que gañen lus y las meyores, pero recordade… ¡lu importante yía participá!.

One thought on “Arruxando’l fornu pal tornéu de fútbol sala de Cabreira 2016”

  1. David says:

    Las “Nuevas Generaciones” sobran en Cabreira.

Deja un comentario

Tu dirección de correo electrónico no será publicada. Los campos obligatorios están marcados con *