Benuza celebra esti sábadu’l sou Corpus Christi

Esti 28 de mayu va celebrase nesti llugar cabreirés la Eucaristía pul Cuerpu de Cristu, onde se va emponderar la figura de Jesucristo

Procesión en Benuza

Corpus Christi de Benuza (1964)

La tradicional fiesta va principiar pula mañana cun alborada y pasacalles. Al mediudía va celebrase la Santa Misa y la procesión, y despuéis va dase pasu al beille y el vermú.

A última hora de la tardiquina, a las 21:00 horas, va haber beille cuno “Dúo Harmonía”. Y namás acabar la cena, a la 1:00 de la madrugada, esti mesmu grupu volverá tocar na verbena hasta última hora, dando fin asina a esta fiesta tan tradicional y significativa de toda la comunidá católica.

Qué ver en Benuza

Benuza tien una importante zona de chopos, ñugales y abranales, y el sou soutu de castañeiru yía un tesouru vexetal. Tódalas casas del llugar están espingarriadas sobre la lladeira. Las primeiras forman el barriu de Santa Lucía chegando hasta El Campu, cun bolera y llugar de fiesta; muei cerquina, El Nogaleu, un grupu de casas apiñadas; pur baxo, El Pineu, cun casas bien antiguas y el de La Igresia, abandonada y en ruinas; se xubimos hacia’l sur chegamos a Peñalcampu, El Flaire, Veracruz, Los Pradizos y El Barriu, entre l’anterior y el de Santa Lucía. No siegru XIII y debíu al aumentu de pobración forma un nuevu barriu: Outárigu, que güei se cuñez cumu L’Acebreiru.

Deja un comentario

Tu dirección de correo electrónico no será publicada. Los campos obligatorios están marcados con *