La Cuesta inaugura güei’l sou Branu Cultural

Actividades La CuestaEl Branu Cultural organizáu pula Asociación Cultural Trimuella va celebrase desde esti xueves hasta’l sábadu 15 d’agostu. “Pinta las máquinas del muséu” inauguróu la programación cultural d’esta localidá.

Cuna actividá, “Pinta las máquinas del muséu”, La Cuesta inaugura esti xueves el Branu Cultural organizáu pula Asociación Cultural Trimuella.

Nesta oucasión, l’asociación preparóu un programa d’actividades bien guapu y bien completu cun charras, concursos, proyecciones y hasta una crase maxistral de Cabreirés pur que los vecinos y achegaos de la localidá lo pasen bien.

Mañana vienres día 7 d’agostu va tener llugar un concursu de tortiellas de patacas cun dous tipos, innovadora y tradicional. El premiu va ser una botella de vinu pur cada especialidá.

Yá’l sábadu, cunel títulu ‘Hestoria d’una conquista, Cabreira prerromana’, el xeólogu llionés Javier Fernández Lozano va impartir una interesante conferencia na Casa de Cultura de La Cuesta. Va ser a las 18 horas cuando esti doctor en xeoloxía y profesor de la Universidá de Salamanca dea a cuñecer distintos aspectos históricos pouco cuñecíos de la contorna y la sua relación cunos habitantes prerromanos. Despuéis de la charra, va visitase’l castru romanu de la localidá.

Y pal llunes 9 d’agostu hai programada una Gymcana fotográfica que va consistir n’alcontrar las fotografías que la organización realizóu pa que los concursantes cuñezan un pouco meyor el sou puebru. El premiu va ser una botella de vinu pal que lo faiga en menos tiempu.

El xueves 13 d’agostu repite actividá cun “Pinta las máquinas del muséu” pa yá’l vienres 14 d’agostu dar pasu a la proyección de vídeos y fotografías de la mazcarada de los Campaneiros que realizoron a lo llargo d’estiaño 2015 por varias localidades y la sua presentación en Cabreira.

Y cumu broche final d’esti branu cultural, va realizase una crase maxistral de Cabreirés pa que los vecinos recuñezan la sua propia llengua y p’aqueillos qu’on lu falan, nun pierdan esti falar declaráu pula Unesco en vías de desaparición. El mayestru Xairu López va ser l’encargáu d’impartir esta crase. Cumu miembru de l’Asociaciópn Cultural Faceira, manifiesta qu’ “oufiertar a la localidá de La Cuesta la posibilidá de recuñecer la sua llengua, cubriendo cun eillo un espaciu vacíu desde va años y que na asociación Faceira entendemos de vital importancia. La premisa básica d’esta crase ye que, partiendo d’un escrupulosu respetu a la rialidá viva de la llengua, l’alumnu tenga un primer acercamientu a ésta lo más estimulante posible en tódolos sous niveles: léxicu, gramática, testos, dialectoloxía… procurando demostrar qu’el cabreirés, a pesar de la sua crítica situación, ye un idioma válidu pa comunicase en tódolos ámbitos».

Tódalas actividades van facese na casa de Cultura de La Cuesta, localidá del Ayuntamientu de Trueitas.

Deja un comentario

Tu dirección de correo electrónico no será publicada. Los campos obligatorios están marcados con *