Cabreira Alta prepárase pa la carreira Truitiellas-Vizcudiellu

Cartel del Trail nocturno al Vizcudiellu

Cartel del Trial nocturnu al Vizcudiellu

La xubida nocturna al picu de 2.122 metros d’altitú pola Llaguna Maliciosa ye la prencipal novedá

La clásica Truitiellas-Vizcudiellu yá está eiquí. Una vé más la tercer fin de semana de mayu’l Monumentu Ñatural del Llagu Truitiellas va acoyer la décimu séptima edición de la carreira pola montaña cabreiresa.

Al eigual que na anterior edición, la carreira forma parte de la Copa Diputación de Llión de carreiras de montaña y recuerre los sendeiros que xuben pol Llagu de Truitiellas pa chegar al cumbre del Vizcudiellu, a 2.122 metros d’altitú sobre’l nivel del mar.

La organización de la prueba intentóu ameyorar la carreira de pasadas ediciones y introduciéu piqueiños cambios no recorríu. Unu d’eillos ye la modificación del aniciu de la baxada desde’l picu. Mientras antias siguía contra l’Altu del Peñón, ora sal en dirección contraria p’atopar outra de las xoyas de la Sierra de Cabreira, la Llaguna Maliciosa. A eilla chégase tras un fuerte descensu y tras arrodiar las suas escuras auguas, vaise, a media lladera, contra’l crestón que fa de divisoria entre Llión y Zamora.

Nesta edición xúbese al cumbre del Cabezu (1.842 metros), cercanu al Vizcudiellu, no circuitu de los 25 esixentes quilómetros de que se compón la prueba y qu’atropa 1.470 metros de desnivel positivu.

Outra novedá ye una actividá paralela que consiste na ascensión nocturna al Vizcudiellu organizada pal vienres 15. La xubida va ser pola sua vertiente Norte, pasando pola citada Llaguna Maliciosa.

Tamién va haber un “Quilómetru Vertical”, no mesmu puebru de Truitiellas y cona meta no mesmu Picu. L’actividá nun ye competitiva, onque los participantes van poder conocer el sou tiempu al esistir un control de pasu y tiempu, va haber avituallamientos, regalos pa todos (bufanda tipu Buff), chocolatada y imperiales al rematar la prueba.

La prueba tamién tien la sua parte solidaria, yá que’l 80% la recaldación de las inscripciones del Quilómetru Vertical van donase al Bancu d’Alimentos de la Cruz Roja pa las comarcas de La Bañeza y Cabreira. La carreira está organizada, entre outros, pol Ayuntamientu de Trueitas.

Deja un comentario

Tu dirección de correo electrónico no será publicada. Los campos obligatorios están marcados con *