Castriellu celebra las fiestas n’honor a San Juan

Del 19 al 21 de xuniu principian las fiestas n’honor a San Juan no puebru cabreirés de Castriellu

Castrillo

Programa festivu nos días 19, 20 y 21 de San Juan

El vienres día 19 aspérase una gran ñueite musical animada por una discoteca.

A outru día, el sábadu 20 de xuniu, principiará la mañana cono recorríu de los gaiteiros polas caleyas de la localidá. Pola tarde-ñueite la orquesta gallega “Menta” va animar la velada hasta qu’a última hora de la ñueite tódolos asistentes podrán desfrutar de chourizos fervíos.

El domingu día 21, volverá haber pasacáis, Santa misa y procesión, y una charanga qu’animará l’ambiente festivo.

Los oríxenes de Castriellu podemos atopalos no sou propiu nome, yá que deriva d’un antiguu castru ástur que foi ocupáu y aproveitáu polas lexones romanas. El visitante puede atopar murias d’aquel antiguu castru casi ocultas polos subiadales na redolada onde s’atopa l’armita. No mesmu puebru pueden vese perfectamente tres antiguas canales ou carriles de captación d’augua que se dirixían a las antiguas minas romanas d’ouru d’As Médulas. La canal más alta vai pola Fuente del Sapu, la entremedia coincide cona carreteira qu’entra al puebru, y la inferior por baxo de Castriellu. A poucos quilómetros del puebru atopamos con un antiguu castru romanu chamáu La Cárcava que sirvía p’acoyer a los trabayadores responsables de la construcción d’esti complexu de canales y minas d’inxeniería romana.

Deja un comentario

Tu dirección de correo electrónico no será publicada. Los campos obligatorios están marcados con *