Chega agostu cunas fiestas d’Iruela

Durante esta fin de semana podrá desfrutase de las fiestas n’honor a San Antonio, cun una variada oufierta cultural y d’ociu.

11745447_10202991493747489_2190634758957730919_n

Programa de fiestas d’Iruela

El sábadu 1 d’agostu va ser el día de los xuegos tradicionales. A las 17:00 horas de la tarde va haber xuegos infantiles en Las Eiras y a partir de las 19:00 horas nel mesmu llugar principiará’l Campeonatu de Bigarda. Pula ñueite la orquesta Mercury animará la velada desde las 00:00 horas hasta las 05:00 de la madrugada.

El diumingu día 2, celebración a las 12:00 horas de la Santa misa n’honor del patrón d’Iruela, San Antonio. Y despuéis vermú cuna música tradicional de los gaiteiros. A las 17:00 de la tarde será’l campeonatu de Tute, y a las 18:00 fiesta de disfraces en Las Eiras.

Las fiesta terminará cuna orquesta Medianoche, que tocará de 19:00 a 22:00 horas.

Iruela yíe un puebru situáu a 1110 metros d’altitú, llugar de ñacencia de José Rodriguez Losada (1797-1870), famosu reloxeiru afincáu en Londres y autor del reló de la Puerta del sol de Madrid.

Con una guapa arquitectura populare, del patrimoniu arquitectónicu d’Iruela podemos destacar un palombar conserváu na ouriella dereita del rieu Iruela, l’armita de San Antonio, la fraugua, el molinu, las antiguas escuelas, y el templu parroquial del que yíe bien interesante la restauración del Cristu y el trabayu de llimpieza del retabru mayor realizáu pur Severino Carbajo y Pilar Ortega, cuñecíos pintores residentes en Truitiellas.

Pur San Antonio, nel día 17 de xaneiru, sacrificábase un xatu y partíase la sua carne entre los cofrades de l’armita de San Antonio. Los restos del bancu onde s’espartizaba l’animal on pueden vese a la entrada l’armita.

Deja un comentario

Tu dirección de correo electrónico no será publicada. Los campos obligatorios están marcados con *