Ciclu de cine Rural ñu Cazario

Cazario na Baña

Cazario en La Baña

Esti vienres y mañana sábadu proyectaránse duas películas enmarcadas dientro del ciclu itinerante “León Film Rural”. Organizáu pol MUSAC en collaboración cuño Cazario

El MUSAC quier que la sua programación estea cercana a los puebros, y ñesti casu al Cazario de La Baña, en collaboración cuña Mediateca del Ministerio de Agricultura, Alimentación y Medio Ambiente. El programa tien cumu finalidá que’l formatu audiovisual en tódalas suas variantes chegue a los conceyos rurales de la provincia de Llión, cuña ideya de proponer una reflexón sobre la identidá de “lo rural” desde’l mediu audiovisual. El ciclu, compuestu por seis sesiones que tratan temas cumu la soberanía alimentaria, la muyier ñu mediu rural, ou la hestoria del audiovisual ñu mediu rural, entre outros, vieuse’l 24 y 25 de santamariña ña sua primeira sesión, esti vienres y mañana sábadu, y los próximos 21 y 22 d’agostu cun entrada de baldre.

El director del MUSAC manifestóu que “El programa persigue que el formato audiovisual en todas sus vertientes llegue a los municipios rurales de la provincia de León, con la idea de proponer una reflexión sobre la identidad de lo rural desde el medio audiovisual”.

Pur outru llau, el Cazario de La Baña dispón de las siguientes esposiciones abiertas al públicu:

– Esposición permanente de José de León “De Pekín a La Baña”.

José de León, que tien el sou estudiu ña localidá llionesa de Carbajal de Fuentes, onde ñaciéu en 1958, yía un espíritu llibre cun vocación nómada, y cheva años recorriendo distintos llugares del mundu, onde s’instala durante llargos periodos de tiempu pa pintare. Ñesta, amuestra gran parte de las obras que realizóu en Pekín entre 2010 y 2012, durante casi dous años chenos de vivencias ñu país asiáticu.

– Del 1 de santamariña al 30 de sanmiyiel, esposición sobre Ḷḷaciana.

– Del 15 de santamariña al 30 d’agostu, esposición sobre la Guerra Civil Española.

Pur outru llau, esti vienres terminan los campamentos urbanos de branu onde participoron 25 ñiños d’entre 3 y 14 años sigún indícanos l’Ayuntamientu d’Encinéu. Outramiente, termina’l serviciu de guardería enmarcáu ñu programa “Crecemos” onde ñueve rapaces pudieron xugar y deprendere, mientras los sous padres trabayaban ñu conceyu.

Deja un comentario

Tu dirección de correo electrónico no será publicada. Los campos obligatorios están marcados con *