Clases de Pilates en Trueitas

Esti municipiu cabreirés va oufiertar esti métodu d’entrenamientu tódolos sábados


El  denomináu Métodu Pilates yíe un sistema d’entrenamientu físicu y mental que foi creáu a prencipios del siegru XX pol ximnasta y atleta alemán Joseph Hubertus Pilates. Quien basóu esta disciplina d’entrenamientu no coñocimientu que tenía sobre distintas especialidades cumo ximnasia, traumatoloxía y yoga, uniendo’l dinamismu y la fuerza muscular cuno control mental, la respiración y la relaxación.

Estiañu esiste la posibilidá de practicar el Métodu Pilates na Aula de Cultura Cabreiresa de Trueitas. L’entrenamientu va ser tódolos sábados en sesiones de 90 minutos pol preciu de 40 euros al mes. Pa solicitar más información puede contactase cuno teléfonu 636114002 (Tania).

Deja un comentario

Tu dirección de correo electrónico no será publicada. Los campos obligatorios están marcados con *