Continúan las actividades culturales en Villar

Cartelin de la Esposición

Cartelin de la Esposición

Fin de semana intensa na localidá de Cabreira alta

Esti sábadu a las 13 horas celébrase la misa y procesión n’honor de la Virxen de Guadalupe. Va ser presentáu’l  Ramu de la Virxen que se recuperóu al traviés d’un trabayu de campu de varios años cun informaciones tanto de la forma, cumo de lletra y música del cantar del Ramu y de los Gozos, pur dalgunas personas del puebru. El Ramu procesionará portáu pulos rapaces de la localidá.

Yá pula tarde, a las 16,50 horas, va realizase una presentación y fotografías del archivu fotográficu de Villare, al cargu del responsable del archivu: Juan Manuel Martinez. Más tarde, a las 17,00 horas, principia’l cursu de texíu artísticu pa rapaces. Va ser impartíu pur profesores del Museo y Centro Didáctico del Encaje Castilla y León: Juan Carlos Posada, Nadine Pawels y Natividá Villoldo.

Durante toda la tarde va permanecer abierta la esposición de Indumentaria de Villar situada na casa de l’Asociación Cultural de Villar del Monte: ”Vida, Costumbres y Tradiciones”, encargada d’organizar la esposición pa oufiertala a los ciudadanos; el muséu d’alfarería y el muséu del  encaxe.

El diumingu día 2 d’agostu, a las 13,30 horas principia la misa y procesión Sacramental del patrón San Esteban. Pula tarde esi mesmu día, a las 20  horas, va efectuase una visita guiada al puebru pa tódalas personas que deseyen asistire. La visita recorrerá los siguientes espacios: Payares y puebru, Museo y Centro Didáctico del Encaje de Castilla y León, muséu de la alfarería, la sede de l’Asociación de Villar del Monte: sala d’esposiciones, biblioteca, sala d’actos y cocina tradicional restaurada, y la Casa del Ayere.

A lo último, el día 12 d’agostu, pula mañana, va repitise una demostración  de llavadura artesanal nún antiguu llavadeiru restauráu pula Xunta Vecinal y l’Ayuntamientu. Durante la demostración, el gaiteiru Iván Martínez Lobo de La Cuesta, va tocar música tradicional.

Deja un comentario

Tu dirección de correo electrónico no será publicada. Los campos obligatorios están marcados con *