Corporales celebra’l sou patrón San Juan Bautista

Programa festivu nos días 19 y 20 de San Juan

Cono solsticiu de branu chega’l día más llargu del añu. La fiesta de San Juan Bautista celébrase esi día, a las 12 la ñueite entre los días 23 y 24 de xuniu

Las celebraciones de San Juan son d’orixen paganu. Nos sous rituales las características principales son el sol, el fuegu y l’augua, y las fogueiras que se prenden esa ñueite protexen de todu mal durante’l añu. En Corporales, la viéspera, los mozos y mozas del puebru xúntanse pola tarde pa dir por escobas pa facer la “fumeira”. Na actualidá facen dous, una no castru y la outra no mercáu (Nos dous barrios).

Anguaño los patronos y las fiestas treslládanse a la fin de selmana por que pueda achegar más xente, y por tanto, la fumeira realízase’l vienres dia 19. Al rayar el sol prenden las fumeiras y la tradición manda: hai que dar 3 vueltas nún sentíu y outras 3 en sentíu contrariu p’asina llograr la suerte que se precisará a lo llargo’l restu’l añu. Durante la fumeira fazse una piqueiña ronda pol puebru acompañaos polos gaiteiros.

Amás, el programa d’actividades de San Juan pa esti sábadu 20 incluye la celebración d’alboreada polas caleyas del puebru a las 7 la mañana conos gaiteiros del puebru pa rematar y almorzar con una gran chocolatada.

A las 12 del mediu día celébrase la santa misa n’honor del patrón con procesión polas caleyas del puebru, acompañada polos famosos gaiteiros de la localidá. A las 8 y media, la nota de color más actual cona orquesta Chiki Bin Bang, pa despueis de cenare, rematar baxo’l mantu estrelláu cona mesma orquesta.

Cerquina de Corporales, el visitante a estas fiestas puede visitar la falda de Peña Aguda onde s’atopan restos d’una canal romana tallada en roca. Esta conducción tien dos puntos de captación: un ramal ñaz nas proximidades de Santolaya, no términu municipal d’Encinéu, a una cota de 1.300 metros d’altitú, y capta auguas na auguada septentrional de la Sierra de Cabreira. La outra procede del rieu Eria, auguas enriba del barriu de Pedrosa en Corporales. Yíe nesti puntu onde podemos ver cumo las canales romanas diríxense contra As Médulas pa suministrar l’augua necesaria pa la escavación de la mina.

Deja un comentario

Tu dirección de correo electrónico no será publicada. Los campos obligatorios están marcados con *