Corporales celebra’l San Juan Bautista

Pareya musical "Duo América"

Pareya musical “Duo América”

Cuno solsticiu de branu chega’l día más llargu del añu. La fiesta de San Juan Bautista celébrase esi día, a las 12 la ñueite entre lus días 23 y 24 de xuniu

Las celebraciones de San Juan son d’orixen paganu. Nus sous rituales las características principales son el sol, el fuegu y l’augua, y las fogueiras que se prenden esa ñueite protexen del mal todu’l añu. En Corporales, la viéspera, lus mozus y mozas del puebru xúntanse pula tarde pa dir pur escobas pa facer la “fumeira”. Na actualidá facen dous, una no castru y la outra no mercáu (Nus dous barrius).

Anguañu lus patronus y las fiestas treslládanse a la fin de sumana pur que pueda achegar más xente, y pur tanto, la fumeira realízase’l vienres dia 24. Al rayar el sol prenden las fumeiras y la tradición manda: hai que dar 3 vueltas nún sentíu y outras 3 en sentíu contrariu p’asina llograr la suerte que se precisará a lo llargo’l restu’l añu. Mientras se fa la fumeira fazse una piqueiña ronda pul llugar acompañaus pulus gaiteirus. Antias de prender las fumeiras, todu’l puebru está convidáu a cenar nas “Tierras” un cachicu de chourizu y toucinu.

Amás, el programa d’actividades de San Juan pa esti sábadu 25 incluye la celebración d’alboriada pulas caleyas del puebru a las 7 y media la mañana cunus gaiteirus del puebru pa rematar y almorzar cun una gran chiculatada.

A las 12 del mediu día celébrase la santa misa n’honor del patrón cun precesión pulas caleyas del puebru, acompañada outra vuelta pulus famosus gaiteirus de la localidá. A las 8 de la tardiquina, la nota de color más actual cuna pareya musical “Duo América”, pa despuéis de cenare, rematar baxo’l mantu estrelláu cuna mesma pareya.

Cerquina de Corporales, el visitante a estas fiestas pue visitar la falda de Peña Aguda onde s’atopan restus d’una canal romana tallada en roca. Esta conducción tien dous puntus de captación: un ramal ñaz nas proximidades de Santolaya, no términu municipal d’Encinéu, a una cota de 1.300 metros d’altitú, y capta auguas na auguada septentrional de la Sierra de Cabreira. La outra vien del rieu Eria, auguas enriba del barriu de Pedrosa en Corporales. Yíe nesti puntu onde podemos ver cumu las canales romanas diríxense contra As Médulas pa suministrar l’augua necesaria pa la escavación de la mina.

Fumeria de Corporales

Fumeira de Corporales

Deja un comentario

Tu dirección de correo electrónico no será publicada. Los campos obligatorios están marcados con *