Corpus y camisetas cuñus ñomes tradicionales na Baña

Cartel de Fiestas

Cartel de Fiestas

La Baña va celebrá una de las suas fiestas más tradicionales, el ‘Corpus Christi’ esti xueves y vienres

Onque tien trazas d’amenaciá cun dalgu de chuvia, las frores de las escobas y las ñotas de lus instrumentus de las orquestas, van sé lus elementus que van puñé la ñota de color a estas dúas xornadas ñas que se van desenvolvé lus actus.

Pulla mañana’l xueves 26 desti mes será la Santa misa, procesión y pasacais al cargu d’una charanga pa dá pasu despuéis a la verbena de la tardiquina cuña orquesta “Marbella”. Esta mirma orquesta va rematá’l día cun una Gran Verbena a partí de la 1 la mañana.

Yá’l vienres día 27 d’esti mes de mayu, va sé’l turnu de la orquesta “Jerusalén”, que del mirmu xeitu que la del día d’antias, va facé un pase a las 21:15 h. pa ramatá cun outra gran verbena que va emprencipiá’l sigundu pase a la 1 la mañana.

Camisetas cuñus ñomes tradicionales

La comisión de fiestas d’esti llugar tien una sospresa pa tódolus que se quieran achegá a esti puebru pa la celebración del Corpus. La comisión fizo unas camisetas cuñus ñomes tradicionales de lus puebrus de Cabreira asemeyáu a una llínea de metru. Pa mercalas habrá que-la pidí na barra’l bar de la mirma fiesta. Tamién fecienun outra pa tódolus bañeses cuñus ñomes de lus barrius de la Baña, pur exempru, “Piniella” ou “El Canciellu”.

Ñas camisetas de metru tamién se pue puñer el ñome del tou llugar ñu peitu, pa eillu, estus mozus van facé ceu una páxina de facebook pa lus pidíus de la que yá vos informaremus desde esti periódicu.

CAMISETAS CABREIRA

Qué ver na Baña

Lus visitantes a estas fiestas van podé desfrutá del Llagu de La Baña situáu onde conflúyen la Sierra de Mina y la Sierra de Cabreira. El sou orixen y configuración xeomorfolóxica respuenden al más clásicu de lus modelus de la erosión glaciar. Cun una superficie aprosimada de 0,075 kilómetros cuadraus, el llagu aparez arrodiáu d’un perfectu circu glaciar, que de la mirma rematáu pullus altus cumbres (sobrepasan lus 2.000 metrus d’altura) de Peñataravinca y Peña Surbia. Desde’l puntu de vista xeolóxicu destaca la bien conservada y enorme morrena glacial, compuesta pur llábanus de pizarra, que sirve pa cerrá esti llagu ñu que tien las suas fuentes unu de lus más importantes afluentes del Sil: el riou Cabreira. Chégase a la ouriella del Llagu de La Baña caminando desde’l propiu llugar de La Baña.

El visitante tamién va podé acercase a cualesquier de lus puebrus de Cabreira Baxa p’almirá l’arquitectura tradicional de la zona, sobre todu las suas balconadas zarradas, las suas chumineyas, y lus sous palombares.

Deja un comentario

Tu dirección de correo electrónico no será publicada. Los campos obligatorios están marcados con *