Cousillinas cabreiresas

cousillinasEsti Diumingu Inés Cañal Carrera estrena’l seranu cunas suas cousillinas cabreiresas

Llevanta la manta ,prepara’l buracu, traígola tiesa, metetela quieru.

¿Qué cousillina será?

El pan, el fornu y la pala

Redondu, redondu cumu una peseta y gústa-yes a las mozas que se-yes meta

¿Qué cousillina será?

L’aniellu

Entre dúas peñas feroces hai un home dando voces. Ni lu ves, ni lu cueyes, ni tampoucu lu cuñoces.

¿Qué cousillina será?

Un pedu

Entre dúas paredes brancas hai una fror mariella que la puede cumer hasta’l rei de Castiella.

¿Qué cousillina será?

El güevu

Cabe nún puñu y nun cabe nún arca

¿Qué cousillina será?

La guiyada

Dúas torres altas, dous miradores.

Un espanta moscas y cuatru andadores.

¿Qué cousillina será?

La vaca

Llarga, llarga cumu una soga y tien unos dientes cumu una lloba.

¿Qué cousillina será?

El subiáu

El pariente de la mia muyiere, mieu pariente vien a sere.

¿Qué cousillina será?

El suegru

Campu brancu, frores ñegras.

Un aráu y cincu yeguas.

¿Qué cousillina será?

Papel, lletras y pruma

Mia güelica la grandona,

Tien un diente na curona,

Pur eillí cume y bebe,

Y fa todu lo que debe.

¿Qué cousillina será?

La campana

Estaba mia gulica mixandu,

Y vinu mieu gulicu,

y metiéu-ye’l mangu.

¿Qué cousillina será?

El pozu y el furganeiru

Estaba ratín que rataba cumiendu a pinguín que pingaba y vinu raspín que raspaba y cumiéu a ratín que rataba

¿Qué cousillina será?

El ratu, la riestra de chourizos y el gatu

Una siñorina muei asiñorada siempre vai en coche y siempre vai muyada

¿Qué cousillina será?

La llengua

Cien doncellas nún corral, todas mixan a la par

¿Qué cousillina será?

Las pingadas

Nu altu vive,

Nu altu mora,

Nu altu tece la tecedora.

¿Qué cousillina será?

L’araña

Nu altu vive,

Nu altu mora,

Nu altu toca la castañuela.

¿Qué cousillina será?

La cigüeña

Verde ñaci

Rubiu curtórunme,

Prestu muliérunme,

Y brancu amasórunme.

¿Qué cousillina será?

El trigu

You tengo un cascu de grana

Y soi un gran caballeiru.

Vistu una capa dourada,

Y calzu espuelas d’aveiru

¿Qué cousillina será?

El gallu

Pulas barandas del cielu,

Pásiase una doncella,

Vestida de culor douráu,

Y lluz cumu una estrella.

¿Qué cousillina será?

La lluna

Cun mia cara encarnada,

y mieu güeyu ñegru,

El mieu vestíu verde,

El campu alegru.

¿Qué cousillina será?

Papaula, amapola

Dígotela, dígotela y vuélvotela a dicire,

Dígotela 20 veces y nun lo sabes dicire.

¿Qué cousillina será?

La tela

Soi’l zumbu la misa

De la bota’l conteníu,

De la mesa’l gran siñor y pur todos bien queríu

¿Qué cousillina será?

El vinu

Dúas ñiñas van a la par y nun se pueden tocar.

¿Qué cousillina será?

Lus güeyus

Branca soi, branca ñací,

Probes y ricos, cumen de mí.

¿Qué cousillina será?

La sal

No campu criéime atada cun verdes llazus,

Y aquel que chora por mina,

Me está partiendo en pedazus.

¿Qué cousillina será?

La cebolla

You a lus castiellus xubí

You a las chozas baxéi

Y en todus sitius dexéi,

Recuerdu alegre de mí.

¿Qué cousillina será?

La música

Deja un comentario

Tu dirección de correo electrónico no será publicada. Los campos obligatorios están marcados con *