Cúmu ñamorar cun un buen pratáu de ventruyu

Esti yía un embutíu tan sabrosu qu’al traviés del estógamu puede gañar cun fundamentu’l ñuesu corazón. Ventruyu ou ventrículu, banduyu ou corazón, la rayíz del sou ñome cabreirés déixanus llibertá abonda pa xugar cuno sou significáu nesti día de San Valentín

ventruyu_cabreira

Ventruyu cun patacas. Foto: Diputación de León.

El ventruyu, tamién chamáu pastor ou butiellu (ou andoya cuando yía más pequeiñu), yía un embutíu tradicional del noroeste peninsulare. Yía gruesu y redondu, y ellabórase principalmente cuna xixa de cochu sobrante de la matanza, la que nun yía pa facer chourizus. Onque ora nun hai nenguna dificultá p’atopar esti embutíu nos supermercaus, antias facíase dafeitu de xeitu artesanal. La sua ellaboración yía bien senciella, pícanse lus güesus de la matanza procurando que tengan dalgu de xixa, principalmente las costiellas, la tiesta y outras partes del cochu. Todu eillo adóbase cun sal, pimentón, ayu, ouriéganu y un gotín d’augua. Al día despuéis embútese empreando la tripa más gruesa del estógamu y átase bien cun cordeles. Despuéis cuélgase nún cambu y afumáse bien cun tuerus de carbayu ou ancina.

Un embutíu milenariu

La historia d’esti alimentu yía bien antigua y yá se cuñoz dende lus tiempus de lus romanus, onque d’aqueilla s’ellaboraba sin pimentón, cumu yía de pensare,  purque’l pimentu cuno que se facía’l pimentón nun chegóu a cuñocese n’Europa hasta’l descubrimientu de las Américas.

Las primeiras referencias medievales sobre’l ventruyu atópanse nos vieyus documentus del monesteriu de San Pedro de Montes, onde entre lus siegrus XI y XII aparez escrebida en mueitus manuscritus la obligación que tenían lus habitantes que vivían nos dominius del monesteriu d’apurrir cierta cantidá de “botellus”, palabra llatina que quier dicir ‘embutíu’. Por embargu, la palabra más común en Cabreira pa falar d’esti manxar yía la de ventruyu, que provien del llatín “ventricŭlus”, ‘ventrículu’, que fa referencia a lus güecus ou cavidades anatómicas cumu’l corazón ou, cumu nesti casu, al estógamu.

Tamién yía bien chamadeiru’l ñome que se-ye da en Cabreira l’Alta, ‘pastor’. Ñome sobre’l que nus chegóu esta llienda na que se fala de pur quéi tovo d’afuyir el reloxeiru José Rodríguez Losada del sou puebru no siegru XIX: “Diz qu’una vez, el reloxeiru Losada foi pastor d’ouveyas na sua Iruela ñatal cuando yiera un rapá. Un día, en retornando del monte cunas ouveyas, sintiéu al deitase no lleitu cumu unas voces dicían qu’iban cumese al pastore, y tal foi’l miedu que tovo al creyer que falaban d’él, qu’escapóu del puebru y marchóu a currer pul mundu buscando meyor fortuna“.

Ingredientes

  • 1 ventruyu d’unus 800 gramus.
  • 4 patacas medianas.
  • 500 gramus de repollu (opcional).
  • Sal.

Ellaboración

En primer llugar cúbrese’l ventruyu cun una tela, un pañu, ou cun papel d’aluminiu pur que nun estoupe la tripa del embutíu al cucere. Métese dientro d’una perola y éichase augua fría purcima hasta quedar cubiertu. Déixase ferver durante una hora y media más ou menos, y cuando falten 30 minutines pa terminar la coción añádense las patacas peladas xunto cunas fueyas de repollu partidas, y éichase sal al gustu. Se ficiera falta añadimos un gotín más d’augua y deixamos ferver hasta que las patacas estean bien cocidas. Pa rematar enxúgase bien todu pa que nun quede augua,  y sírvese poniendo tódolos ingredientes no mirmu pratu.

¡Buen proveitu!

Deja un comentario

Tu dirección de correo electrónico no será publicada. Los campos obligatorios están marcados con *