Cursu Gastronómicu Internacional en Pozos

Los ayuntamientos de Trueitas y Castriellu van subvencionar esti cursu de cocina que va ser impartíu pol gastrónomu cabreirés Esmeraldo Oteruelo no sou puebru ñatal, Pozos

Cartel del cursu

Esti recoñecíu cocineiru tien una amplia esperiencia na alta cocina; trabayóu cumo xefe de cocina en prestixosos restoranes d’Indonesia y Singapur. Na actualidá tamién oufierta, desde la plataforma Esme Tours y dirixíu prencipalmente a usuarios estranxeiros, esperiencias gastronómicas y escursiones vinculadas al mundu rural de Cabreira y Pozos.

Nesta oucasión, el cursu va dir dirixíu a los vecinos de los municipios de Trueitas y Castriellu, quien van tener la oportunidá de participar nesti esclusivu eventu. Las prazas son poucas y namás van poder participar hasta un máximu de 16 personas qu’estían empadronadas nestos ayuntamientos.

El cursu, que va constar de cinco crases maxistrales de cocina, va prencipiar el próximu 17 d’abril y va tener un preciu de 75 euros. La fecha límite pa cubrir la inscripción va ser el 22 de marciu. Pa solicitar más información ou inscribise, puede facese chamando al teléfonu 987 670 285.

 

Deja un comentario

Tu dirección de correo electrónico no será publicada. Los campos obligatorios están marcados con *