De ruta cultural pur Cabreira y las minas romanas d’As Médulas

Lus ayuntamientus de Trueitas y Castriellu organizan una escursión a As Médulas, na que tamién se visitará parte de la ñuesa comarca cabreiresa, al traviés de la sección “Conoce tu provincia” de la Diputación de León. Elcabreirés.com collabora apurriendo de baldre un guía, amás d’unus folletus cuña información de lus distintus llugares que se van visitare

Cartel de la escursión

Cartel de la escursión

La escursión va tener llugar el sábadu 26 de marciu y va tener cumu finalidá amostranus la tan estreita relación que tien Cabreira cun As Médulas. Tamién vamus visitar la importante canal romana de Peña Aguda en Corporales, l’Aula etnográfica d’Oudoyu y el Centru d’Interpretación d’As Médulas, entre outras mueitas.

Aqueillus qu’estean interesaus on pueden apuntase de baldre no teléfonu 987 67 02 85 ou nus mirmus ayuntamientus, antias del día 21 de marciu. Pur outru llau, va reservase menú nún restorán de la zona. Aqueillus que nun lleven cumida y quieran apuntase tendrán d’abonar 6 eurus, subvencionando’l restu lus ayuntamientus, incluyías tamién las entradas a lus distintus museus y salas.

La ruta del autobús y lus llugares que se van visitar van ser estus:

• 8:50 – Salida de Quintaniella (Yuso).
• 9:00 – Salida de Trueitas.
• 9:10 – Salida de Corporales. Visita a la canal romana de Peña Aguda.
• 10:00 – Salida de Castriellu
• 10:15 – Salida d’Oudoyu. Visita del puebru y de l’aula etnográfica.
• 11:00 – Parada na Virxen del Valle.
• 11:45 – Parada en Pombriegu pa ver l’Árbol del Amor y la ferraría.
• 12:30 – Visita del Pantocrator de Castro.
• 13:00 – Visita de l’Aula de las Canales Romanas d’A Ponte.
• 14:00 – Cumida.
• 16:00 – Visita al Centru d’Interpretación d’As Médulas.
• 17:00 – Visita a As Médulas y tiempu llibre.
• 18:00 – Regresu.

¡Apuntádevus y animádevus a pasar un agradable día deprendiendo cuña historia y la cultura de la ñuesa tierra!

Deja un comentario

Tu dirección de correo electrónico no será publicada. Los campos obligatorios están marcados con *