Días 4, 5 y 6 d’agostu: Fiestas de Castro

Castro va celebrar estus días las suas fiestas n’honor a El Salvador y María Madalena

 Eiquí podedes consultar todu’l programa festivu d’esti llugar de Ribeira:

Programa

4 d’agostu

11,30 Maratón.

20,00 Concursu de bolus.

00,30 Verbena cuno grupu Gala.

5 d’agostu

10,30 Alboreada cuna charanga Manía.

13:00 Misa y precesión n’honor a María Madalena.

14,00 Beille Vermú.

17,00 Descensu del Cabreira.

20,00 Concursu de bolus.

21,30 Beille de tarde cuna orquesta Stelares.

01,00 Verbena cuna orquesta Stelares.

6 d’agostu

10,30 Vuelta ciclista.

13,00 Santa misa y precesión n’honor al Salvador.

14,00 Beille vermú.

17,00 Fiesta de la Espuma.

20,00 Concursu de bolus.

21,00 Beille de tarde cuna orquesta Kamelot.

01,00 Verbena cuna orquesta Kamelot.

 

Datus d’interés

Castro ñaciéu cuna dominación romana cuno sou castru de Santa Cruz na vera dereita del rieu Cabreira y que se deixa ver namás xubiendo a Robledo. Antias d’entrar en Castro vemos a la dereita, entre castañales y en cruciando’l riéu, la capiella de San Ildefonso. Las primeiras casas pulus dous llaus forman el barriu La Pedreira; más abaxo y a la dereita, L’Outeiro, y casi enfrente, La Cruz. El centru del puebru forma Los Nogueiros y del Foyo, siendo ésti’l barriu más vieyu y no que se llevanta l’arrogante igresia de piedra rubia que foi d’estilu románicu, quedando na fachada que mira al Naciente un pantocrátor de piedra policromáu tan interesante pula sua temática cumu pula sua rareza en tierras llionesas (namás hai outru en Carracedo). Esti chena todu’l centru del semicírculu una mandorla cun un Pantocrátor sentáu nún sentayu “curul” cun remates en forma de cabezas de felinus, bendiciendo y cun un llibru na zurdia. Ocupan el restu del tímpanu lus símbolus del Tetramorfus, todus eillus alaus. Tien restus de la sua policromía orixinal a base de coloráu, azul y ñegru. Gómez-Moreno féchalu no siegru XII.; No interior hai que ver una imaxen de Santa Catalina del siegru XV. Outrus barrius son La Corralada, a la zurdia y frente al del Foyo, y las postreiras casas componen El Penedo, La Devesa y Fondolugar. Dende principius d’esti siegru cuntaba Castro cun fábrica de lluz eléctrica que suministraba eletricidá a puebrus de Ribeira.

Deja un comentario

Tu dirección de correo electrónico no será publicada. Los campos obligatorios están marcados con *