El culuebrón de La Cuesta

Lus cuentus y lliendas de lus culuebrones cabreireses tienen una estreita relación cunus mitus de dragones que sigún la mitoloxía helena custodiaban tesourus

culuebraEsti yía un mitu bien popularizáu pur toda Europa y na Edá Media foi cristianizáu cun lliendas cumu la de «San Jorge y el dragón», onde’l santu representa craramente a la cristiandá y el dragón al paganismu. Recoyemus nestas llinias la versión cabreiresa d’esti mitu que foi apurrida pur Ludivina González Fernández:

«No llugar de La Cuesta cúntase cúmu van mueitus añus chegóu un culuebrón —una sierpe ou cuélebre— que chenóu d’espantu a tódolus paisanus. El culuebrón yiera bien llambrión y cumu tenía mueita fame lus vecinus de La Cuesta decidienun da-ye de cumer pur que nun-yes ficiera mal dalgunu.

El culuebrón vivía nuna cueva xuntu al puebru, y eillí llevában-ye tódolus días la cumida. Fartus de sufrir esi calvariu decidienun matar a la bestia, ¿peru cúmu?

Alcordonun perdonar la vida a un prisioneiru de guerra qu’estaba cundanáu a muerte se ésti lus ayudába. El soldáu prisioneiru, sin nada que perdere, aceptóu matar al culuebrón. Acunchegóuse hasta la cueva onde vivía esta sierpe y puxo la sua bayoneta apuntando contra’l buracu d’entrada.

Cun un piqueiñu espeyu dirixiéu la lluz del sol contra’l buracu, apillicando al animal del diabru. Ésti, saliéu de la cueva enrabiáu peru terminóu cravándo la gorxa contra la bayoneta. El culuebrón morriéu y el soldáu salvóu la sua vida.

Lus cuestenses, mueitu más tranquilus, serronun al culuebrón en cuatru tirelus, y dicen qu’aqueilla bestia infernal yiera tan llarga que daba una vuelta enteira a la igresia de La Cuesta.»

 

Ésta y más lliendas vas poder atopalas no llibru de "Mitoloxía y simbolismu de Cabreira"
(pincha eiquí pa cuñocer más...)

Deja un comentario

Tu dirección de correo electrónico no será publicada. Los campos obligatorios están marcados con *