El folclore, la música tradicional y los ritmos ska alcuentran el sou sitiu en Saltalavilla

IMG-20150924-WA0000Pur cuenta de las fiestas n’honor de la Virxen del Rosario, esta aldeya cabreiresa marca esta fin de selmana no calendariu la meyor oufierta cultural pa los amantes de la música tradicional y los ritmos más alternativos

Las formaciones Folk Cooperativa Bierzo, Fraguel  Folk ou Arrancadeira van poner la nota tradicional, mientras que la banda de Ska Los Ciclones del Becerril van animar la ñueite que siguirá cun una Jam Sesion y un DJ.

La oufierta cultural de Saltalavilla nun queda namás pa la música; bolos cabreireses, teatru de calle ou la esposición “Dos siglos en Santalavilla 1800-2000, fotos y genealogía”, completan estos días que se presentan bien interesantes.

Indicámosvos eiquí’l programa completu:

Sábadu, 3 d’outubre:

16:00, Campeonatu de Subasta.

17:00, Xuegos infantiles.

20:00, DJ Las 4 magníficas.

21:00 Guisu de xabarín y asáu de xatu (pula voluntá de 3 eurines).

Teatru de calle.

22:45, Conciertu de Folk Cooperativa Bierzo.

00:00, Conciertu de Fraguel Folk.

01:30, Conciertu de Los Ciclones del Becerril.

03:00, Jam Sesion + DJ.

Diumingu, 4 d’outubre:

12:00, Pasacalles de gaitas y pandereita cuno gurpu de folclore Arrancadeira.

13:00, Misa y procesión.

14:00 Beille vermú cun Arrancaderia, Walking the Way y Jam Sesion.

Deja un comentario

Tu dirección de correo electrónico no será publicada. Los campos obligatorios están marcados con *