El Muséu Agrícola de Cabreira organiza una xornada de ‘canciellas’ abiertas

Cartel

Con motivu del Día Internacional de los Museos, el muséu agrícola de Cabreira va organizar dúas visitas guiadas tanto a la esposición permanente, cumo polas caleyas de la localidá onde s’atopa la maquinaria más grande pa rematar na fraugua onde s’alcuentran las ferramientas de llabranza más pequeiñas.

Estas visitas guiadas serán una pola mañana a las 11:00 y outra pola tarde a las 18:00. Anguaño la casa de cultura, acueye la esposición permanente “Fotografias antiguas de La Cuesta”

Estiaño la celebración xira alredor del emblema “Museos pa una sociedá sostenible”. Una sociedá sostenible yía una sociedá formada por comunidades que viven unidas na diversidá de los sous miembros y con igualdá, comunidades que se sienten integradas con respetu na sua redolada ñatural. Y nun hai meyor xeitu pa descubrir esa unión que la visita al muséu agrícola de Cabreira onde pueden vese las ferramientas que s’usaban nos llabores comuñales de la xente no sou día a día.

Joaquín Lobo Rodríguez, director del Muséu, espresóu la sua satisfacción “al presentar una nueva edición del Día de los  Museos”, qu’en La Cuesta chega a la 3ª edición y que’l sou orixen se remonta al añu 1977. “A pesar de que’l muséu nun pasa pol sou meyor momentu, vamos tratar d’organizar dúas visitas guiadas dignas d’esti día “afirmóu Joaquín, que se refier a que los carteles esteriores escachafrillaos pola ganadería nun se repunxeron por falta de presupuestu y porque’l ganadeiru sigue sin controlar a las reses de la localidá. “A pesar d’eillo, estamos dafeitu comprometíos nesti proyectu” confirma Joaquín que nos esplica que’l presupuestu del muséu básase nas aportaciones de los miembros de l’Asocaciación Cultural Trimuella y no trabayu de los voluntarios restaurando la maquinaria.

El muséu aproveita la xornada d’elecciones pa celebrar estas xornadas yá que mueita xente va dir a los puebros a votare. D’esti xeitu, pueden aproveitar el día pa facer dalgu distintu y completar un día que se presiente estoicu nos conceyos onde las xornadas de votación vívense intensamente.

Llugar: Muséu Agrícola de Cabreira, La Cuesta (Llión)

Fecha: Domingu, 24 de mayu de 2015

Horariu: A las 11:00 y a las 18:00 horas

 

Deja un comentario

Tu dirección de correo electrónico no será publicada. Los campos obligatorios están marcados con *