Elcabreires.com convídavos a una escursión pur Cabreira pa cuñocer las canales romanas

Cartel de l Escursión

Cartel de l’escursión

Esti periodicu dixital tien organizada pa esti sábadu una escursión de baldre pa todu aquel que deseye saber dalgu más sobre la sua comarca

Trátase d’una serie d’escursiones qu’ElCabreires.com va organizar durante esti enviernu cun un motivu bien craro: dar a cuñocer la comarca. Nesta primeira vuelta, tienen cumo destinu las canales romanas. Pero no restu de salídas van contemplase desde los aspectos xeolóxicos y biolóxicos hasta l’arquitectura de los puebros. Outras escursiones tienen previstu visitar el Picu Talenu y tódalas esplotaciones mineiras de la redolada, va realizase una escursión a la contorna de Senabria la ñuesa hermana zamorana, van visitase los llagos y rieos de Cabreira, As Médulas, inclusive los puebros unu a unu, pur que los paisanos cabreireses tomen conciencia de la sua comarca y del gran patrimoniu, cultural y ñatural que los arrodia.

Nesta primeira escursión vamos tener el llugar d’alcuentru a las 9:00 de la mañana d’esti sábadu na igresia de Corporales, puebru onde se guarda la más pura hestoria cabreiresa. Nél atópasae una corona prerromana, castru y palaciu romanu, canales romanas y restos arqueolóxicos d’abonda importancia. Pero nesta oucasión estaremos centraos no mesmu puebru pa dir ceu a Peñaguda onde atoparemos cuna primeira canal del trayectu.

Peñaguda, yíe’l puertu desde onde se ve Cabreira Baxa y Ribeira, y onde s’aprecian a xeitu los cortes trasversales que las canales romanas facen nel monte, sobre todu la segunda más llarga de l’antigüedá cun una llargura de 143 Km que chega arrodiando las lladeras cabreiresas, hasta cerca del Llagu de La Baña. Pararemos a ver el trazáu del mesmu y nel intre baxaremos pula tropezosa carreteira en dirección a Castriellu, cunas suas curvas y cunel sou continuu xube y baxa, acompañaos pul rieu Cabreira qu’a la ñuesa esquierda vai pur un valle fondu y angostu, onde vemos tramos de las canales que llevaban l’augua a As Médulas.

Antias de chegar a Castriellu, sobre las 10:45, vamos visitar el castru de Las Igresias, pa sigún pasamos el puebru caminar un kiilómetru y atopanos cunel Castru de La Cárcava. Recordemos qu’on tovía na zona alta del puebru, hai outru Castru, pur tanto, nun yíe d’estrañar el ñome’l puebru.

Mapa de la escursión

Mapa de l’escursión

Despuéis de varios kiilómetros y de mueitas curvas llegaremos a las 12:15 a l’armita de la Patrona de Cabreira, la Virxen del Valle, situada na veiga del regueiru de Valdeolleras, allargando desde eiquí la visión hasta las fonduras del valle de Silván. Nesti llugare, desde la carreteira puede vese la precisión y el perfectu estáu de conservación de la muria que completa la caxa d’una de las canales nel llau de la enclina. Vamos Caminar un par de kilómetros sobre él hasta chegar a un desñivel que si baxamos atoparíamos cunel túnel na canal C1. L’interés d’esti tramu de canal, situáu a poucu más de 1000 metros d’altitú, yíe l’imponente muriu de piedra que foi necesariu llevantar pa soportar la solera la canal, muriu que tien na zona tramos d’hasta 5 metros d’altura. Si queremos cuñocer meyor estos restos arqueolóxicos, el siguiente puebru na ñuesa ruta yíe’l más indicáu pa eillo, Llamas, desde onde a las 13:00 horas vamos salir cun una pequeiña ruta na que vamos caminar pulas canales escavadas na mesma roca vertical hasta chegar al túnel que traviesa la roca y vamos alcontranos cunel regatu del Valle Lleirosu. El recorríu d’esti tramu yíe d’unos poucos 5 Km.

Vamos parar a comer a las 15:00 en cualesquier de los dous merendeiros qu’hai al llau del rieu Cabreira, cerca de la ferrería de Llamas pa despuéis siguir hasta Pombriegu, capital cabreiresa de las castañas pur cuenta de los sous fermosos soutos. Famosas son las suas casas colgantes pur la orografía del terrenu. Desde eiquí vamos visitar a las 16:30 la canal y el Túnel del Xastre caminando unos 3 Km. Volveremos los ñuesos pasos p’atrás pa visitar las bodegas y el puebru de Saltalavilla a las 17:45.

Retornamos desde eiquí, pasando pur Sigüeya, Llomba y Silván, a la localidá de La Baña, onde si cuntamos cun tiempu yíe de visita obligada’l Cazario a las 19:00, y va ser el puntu final a la ñuesa ruta. Andando van recorrese un total de 11 Km pulo que podemos clasificar esta ruta cumo senciella y pa tódolos públicos.

En cada escursión vamos tratar de cuntar cun una persona esperta nos temas rellacionaos que vamos visitare. Nesta oucasión va acompañanos el Doctor y profesor de la universidá de Salamanca, Javier Fernández Lozano. El ñuesu guía yíe un escelente xeólogu y un apasionáu del sou trabayu. Yíe quien pa buscar soluciones senciellas a problemas complexos. Gústa-ye inovar y tien una gran facilidá pa facer el trabayu de campu. Cumo informador científicu yíe quien a esplicar de forma amena y entretenida la ciencia, chegando al públicu de tódalas edades.

Cuando un llugar ou una comarca descuñócese, nun hai meyor xeitu que caminar pa cuñocela, que recorrela andando. Yíe pur eillo qu’ElCabreires.com aconseya al visitante que se detenga y que camine mueito más allá de lo qu’estas curtias llíneas pudierun indicare, parándose en cualesquier de los maraviyosos puebros de Cabreira.

Deja un comentario

Tu dirección de correo electrónico no será publicada. Los campos obligatorios están marcados con *