En Cabreira yíe tiempu de lus mayus

Dalgunas asociaciones de vecinus y outras culturales axúntanse pa dir de la manu pa facer la tradición milenaria de lus mayus

La iniciativa que xurde de las asociaciones de Cabreira l’Alta no municipiu de Trueitas, consiguiéu xuntar fuercias pa varias asociaciones y vecinus de lus distintus llugares de Trueitas, pa que puedan prantar lus sous mayus que van poder visitase no mes de mayu.

El primeiru de lus llugares que na actualidá recuperóu la tradición del mayu yíe Quintaniella (Q. de Yuso), parada indispensable pa visitar una figura d’un posible dolmen, varius grabaus y petroglifus que podrían constituyir un ídolu megalíticu según l’investigador cabreirés Sergio Carracedo, aparte del patrimoniu romanu qu’abonda en toda la contorna.
Siguimos hacia La Cuesta, orixen y promotora cuno restu d’asociaciones y vecinos de Cabrera l’Alta de recuperar la tradición de lus mayus pa dar visibilidá a todu’l Valle del Eria. Iván Martínez Lobo unu de lus sous responsables dixo que “Queremos xuntanos cun todu aquel que lluite pula cultura de los puebros”. Nesta localidá, onde lus vecinus ficieron un muséu agrícola pulas caleyas y nuna vieya fragua, puede vese tamién un castru romanu y un molinu en perfectu estáu, dambus señalizaus desde’l centru’l puebru.

Deja un comentario

Tu dirección de correo electrónico no será publicada. Los campos obligatorios están marcados con *