Encomienzan las fiestas de Llomba

Este sábado principian las fiestas n’honor a San Pedro na localidá cabreiresa de Llomba.

Lomba

Cartel de fiestas de Llomba

Pal sábadu día 27 de xuniu hai programaos varios actos. A la 13:00 va celebrase la Santa Misa y de siguío va ser el beille vermú cono grupu musical Abadía, quien volverá tocar na sesión de la tarde. A las 22:00 horas los visitantes van poder gozar d’una exhibición de fuegos artificiales, y a partir de las 00:00 horas dará empiezu’l beille de la verbena.

El domingu día 28 tamién vamos poder cuntar cona presencia del Dúo Nostalgia, qu’animará’l beille de la tarde.

A poucos quilómetros de Llomba podemos visitar l’armita de Santa Elena, llevantada no añu 1849 gracias al rector D. Manuel Elías López, ñatural de Llomba. L’armita atópase asitiada entre rocas y tien una piqueiña torre d’espadaña con corredor. No arcu de la sua portada está grabada la siguiente inscripción: “Vivan los devotos de este Santuario”.

Esta armita sufriéu una terrible queima no añu 2013 que la deixóu prácticamente en ruinas pero gracias a l’ayuda de l’acción popular qu’axuntóu a cientos de donantes, y del propiu conceyu, consiguiéuse restaurar dafeitu un añu despuéis esta fermosa armita cabreiresa.

Deja un comentario

Tu dirección de correo electrónico no será publicada. Los campos obligatorios están marcados con *