Esti sábadu principian en Saceda las fiestas de San Antonio

Saceda celebra esta fin de selmana las suas fiestas n’honor a San Antonio, nunos días nos que se preve una temperatura bien agradable, los cabreireses volverán a  desfrutar d’unas xornadas festivas


IMG-20150525-WA0004

El sábadu día 6 principiará con una misa na igresia local a las 12:00 horas del mediudía.

Yá pola ñueite, a las 21:00 horas, está organizada una degustación de xatu y patacas con xabarín que va ser sirvida en pratu de barru a tódolos asistentes. La xornada festiva va terminar cona animación de la “Orquesta Capricho”, que realizará dous pases. El primeiru de las 21:30 a las 22:30 con pasudobres y música popular, y despuéis de la cena, pa los más festaxeiros de 00:30 a 04:00, ou hasta qu’el cuerpu tenga aguante.

El Domingu día 7 a partir de la 13:00 va celebrase la misa, acompañada de la procesión y despuéis pa rematar habrá vermú amenizáu por una charanga.

Aproveitando la visita a Saceda podemos visitar las canales romanas d’esta localidá. Desde’l puebru sale l’antiguu caminu de La Mata, que yía una antigua canal romana con 6 km transitables hasta chegar al rieu Cabu. Nesta canal aprécianse bién las carrilladas, las marcas de los carros, yá que hasta va unas décadas utilizábase parte del recorríu d’estas canales cumo caminu de carros, por eso tamién se-yes chama “carriles” ou “carrunas”.

Deja un comentario

Tu dirección de correo electrónico no será publicada. Los campos obligatorios están marcados con *