La pareya musical Etherpulse tocan güei no Black Bourbon Bar de Llión

etherpulse

Grupo Etherpulse. Foto: Etherpulse

Etherpulse yíe un proyectu músical formáu en Llión por Laura Pérez Valladares y por Javier Fernández Liébana, ñatural de Corporales

Laura compaxina la sua participación nesti grupu cono sou trabayu cumo músicu percusionista de banda, onque yá trabayóu cumo cantante en diversas orquestas de la provincia y grabáu los coros pa los discos de diversos proyectos músicales de grupos de Llión, tales cumo Samaveda, Inesistentes, Cesar Tezza…) Pola sou parte, el cabreirés Javier, gaiteiru no pasáu de la formación de los los famosos gaiteiros de Corporales y guitarrista/baxista en diversas orquestas de la provincia, compatibiliza esti proyectu conas sous crases de guitarra y gaita en diversas academias de la provincia. D’eigual xeitu mantien el sou puestu cumo gaiteiru no grupu de música tradicional L´Arcu la Vieya y cumo guitarrista no grupu Darkkam de Llión, con quien va sacar un ñuevu discu d’estudiu.

Esta formación toca n’acústicu faciendo versiones pop/rock y subxeneros actuales de grandes temas, asina cumo actuales. La capacidá musical d’esta pareya nun se queda nas versiones, sinón qu’están pensando en componer a finales del branu cuando terminen la mayoría de conciertos, pa dir añediéndolos al sou repertoriu. Pal próximu añu quieren dir ampliando’l grupu con más músicos pa tocar los ñuevos cantares que van realizar; y una de las incorporaciones a las percursiones, confírmanos Javier que “la batería va ser cabreirés”

L’entusiasmu d’esta pareya está intactu y desde www.elcabreires.com deseyámos-yes las meyores de las suertes nesta ñueva actuación y a lo llargo de toda la sua carreira.

Llugar: Black Bourbon Bar. Puerta Sol Nº 8, Llión. A las 21:30 horas

Día: 25 de xuniu de 2015.

Entrada: Gratuita

GLOSARIU:

  • Crases: Clases
  • Xeitu: Arte, estilo, forma, garbo, aspecto
  • Branu: Verano

One thought on “La pareya musical Etherpulse tocan güei no Black Bourbon Bar de Llión”

  1. Ivan M. Llobu says:

    Para ver el vídeo:

Deja un comentario

Tu dirección de correo electrónico no será publicada. Los campos obligatorios están marcados con *