Etherpulse vuelve esti diumingu a la Taberna Bar Cuervo de Llión cunel sou meyor pop-rock

Etherpulse

Etherpulse

El proyectu músical formáu en Llión pur Laura Pérez Valladares y pur Javier Fernández Liébana, ñatural de Corporales, está pensando na opción d’incorporar las suas propias composiciones y dir faciendo más grande’l grupu cun, al menos, “un batería cabreirés”

Etherpulse vuelve a la carga. ‘Mis pequeños aniversarios’, la programación cultural feita pur Taberna Bar Cuervo, va poner l’acentu esti diumingu na música de la pareya musical Etherpulse, un acústicu de versiones pop-rock.

La capacidá musical d’esta pareya nun se queda nas versiones, sinou qu’están pensando en componer los sous propios temas, pa dir añediéndolos al sou repertoriu. Pal próximu añu quieren dir faciendo más ampliu’l grupu cun más músicos pa tocar los ñuevos cantares que van facere; y nuna de las incorporaciones a las percursiones, confírmanos Javier qu’ “el batería va ser cabreirés”.

Laura compaxina la sua participación nesti grupu cuno sou trabayu cumu músicu percusionista de banda, onque yá trabayóu cumo cantante en dalgunas orquestas de la provincia y tamién grabóu los coros pa los discos de diversos proyectos músicales de grupos de Llión, tales cumu Samaveda, Inesistentes, Cesar Tezza…) Pula sua parte, el cabreirés Javier, gaiteiru, foi parte no pasáu de la formación de los famosos gaiteiros de Corporales, y guitarrista/baxista en dalgunas orquestas de la provincia, alterna esti proxectu cunas sous crases de guitarra y gaita en diversas academias de la provincia. D’eigual xeitu mantien el sou puestu cumo gaiteiru no grupu de música tradicional L´Arcu la Vieya y cumo guitarrista no grupu Darkkam de Llión, cun quien va sacar un ñuevu discu d’estudiu.
Llugar: Bar Cuervo (La Sal, 6).

Hora: 21.00.

Entrada: De baldre.

Deja un comentario

Tu dirección de correo electrónico no será publicada. Los campos obligatorios están marcados con *