Etherpulse tocan esti vienres en Truitiellas el sou meyor pop-rock

conciertuEtherpulse yíe un proyectu músical formáu en Llión por Laura Pérez Valladares y por Javier Fernández Liébana, ñatural de Corporales

Laura compaxina la sua participación nesti grupu cono sou trabayu cumo músicu percusionista de banda, onque yá trabayóu cumo cantante en diversas orquestas de la provincia y grabáu los coros pa los discos de dalgunos proyectos músicales de grupos de Llión, tales cumo Samaveda, Inesistentes, Cesar Tezza…) Pola sua parte, el cabreirés Javier, gaiteiru no pasáu de la formación de los los famosos gaiteiros de Corporales y guitarrista/baxista en diversas orquestas de la provincia, compatibiliza esti proyectu conas suas crases de guitarra y gaita en dalgunas academias de la provincia. D’eigual xeitu mantien el sou puestu cumo gaiteiru no grupu de música tradicional L´Arcu la Vieya y cumo guitarrista no grupu Darkkam de Llión, con quien va sacar un ñuevu discu d’estudiu.

Esta formación toca n’acústicu faciendo versiones pop/rock y subxeneros actuales de grandes temas, asina cumo actuales. La capacidá musical d’esta pareya nun se queda nas versiones, sinóu qu’están pensando en componer pa dir añediéndolos al sou repertoriu. L’entusiasmu d’esta pareya está intactu y este vienres podremos escuitalos na casa de cultura de Truitiellas organizáu por l’Asociación Cultural.

Llugar: Casa de Cultura de Truitiellas

Hora: 19.00.

Entrada: De baldre.

Deja un comentario

Tu dirección de correo electrónico no será publicada. Los campos obligatorios están marcados con *