Fiestas a esgaya esta fin de semana pa los festaxeiros

La fin de semana yá está eiquí y cun eilla varias festividades que se van celebrar n’honor a Santiago Apóstol, Santa Ana, Santa Madalena ou San Pedro, en La Cuesta, Ñoceda, Robledo, Silván ou Trabazos, y que de siguío vos detallamos puebru pur puebru

IMG-20150723-WA0000

Programación de las fiestas de La Cuesta

La Cuesta:

Sábadu 25:

21:00: Orquesta Samaná.
01:00: Orquesta Samaná.

Diumingu 26:

13:00: Santa misa n’honor a San Pedro.
13:30: Beille vermú cunos gaiteiros de Corporales.

Datos d’interés:

Asitiada sobre una empicada lladeira a 1185 metros y cun bien conservada arquitectura. El sou nome medieval foi “Quintanilla de Arriba” ou “de La Cuesta”, onde l’alministrador romanu de las esplotaciones auríferas estableciéu la sua residencia ou quinta qu’estaba situada nun llugar chamáu San Bresme, en dirección a Cunas, onde güei podemos ver restos del antiguu castru y d’un fosu que lu arrodiaba pul norte, única zona sin defensa ñatural. La mano d’obra indíxena de la zona trabayóu pa la construcción de las canales que llevoron augua a As Médulas, y en minas nos rieos Cabreira y Eria baxo las directrices de los inxenieiros de Roma y la supervisión del “Procurator Metallorum”, representante del emperadore, cun see n’Asturica Augusta (Estorga), capital de todu’l Conventus Asturum, ou destináu nuna determinada esplotación aurífera ou “metalla”.

 

11141193_727102674082380_5173826759670793513_n

Cartel de fiestas de Ñoceda

Ñoceda:

Sábadu 25:

00:00: Orquesta Sabana.
03:00: Karaoke, chocolatada de baldre, y sortéu de productos ibéricos entre tódolos presentes.

Diumingu 26:

13:30: Santa misa n’honor de la Virxen María Madalena.
14:15: Beille y vermú cuna orquesta Abadía.
19:00: Concursu del xuegu de la rana y gran piñata pa los más pequerrines.
21:00: Orquesta Abadía, y sortéu de productos ibéricos entre tódolos presentes.

Datos d’interés:

Famosa pulos sous fueros del añu 1149, especie de pactu entre’l puebru y el monesteriu bercianu de San Pedro de Montes, no que, entre outras cousas, siñálanse las llindes de la propiedá comuñal. Deitada na vertiente sur de los Montes Aquilanos, Ñoceda está situada a la altura de 1.150 metros. L’orixen del puebru, sigún manifestoron los sous vecinos, yía pur cuenta de los pastores trashumantes. El testimoniu escrito más antiguu sobre Ñoceda está fecháu en 1063 al abolir Fernando I la deuda añal de cuarenta midídas de pan y conceder a la igresia d’Estorga “la tierra de Ñoceda y el sou castiellu”. No llugar denomináu Santa Marina vense restos de murios que podrían corresponder a un asentamientu primitivu. No estreito recintu del cabildru de la igresia’l barriu La Gayarda alza’l sou grandón tueru de 18,20 metros d’altura un milenariu teixu. Yía Ñoceda patria de D. Amable Liñán; consideráu cumo espertu mundial n’aeronáutica, llogróu los premios Príncipe de Asturias (1993) y el de Castilla y León (1994) d’Investigación Científica y Técnica.

 

11215763_799423203459917_2912302169343600205_n

Cartel de fiestas de Robledo

 Robledo de Sobrecastro:

Vienres 24:

23:30: Orquesta Arena.
01:00: Conciertu tributo a Joaquín Sabina, y al terminar orquesta Arena.

Sábadu 25:

10:00: Alboriada cuna charanga Europa.
13:00 Santa misa n’honor de Santiago Apóstol.
13:45: Beille y vermú cuna charanga Europa.
16:00: Campeonatu de Tute y subasta.
18:00: Hinchables d’augua, pinta-caras y visita de los personaxes infantiles Minnie & Mickey Mouse y Peppa Pig.
20:00: III Gran Degustación de Cerveza Internacional, acompañada de pinchos y charanga Europa.
00:00: Orquesta Quinta Versión.

11759685_806645492737688_904559608_n

Conciertu tributo a Sabina

Diumingu 26:

12:00: Santa misa n’honor a San Joaquín y Santa Ana.
13:00: Beille vermú cun Trío Nostalgia de Vigo.
18:00: Beille cun Trío Nostalgia de Vigo.

Datos d’interés:

A 670 metros d’altitú, estando los sous barrios de La Lomba, Campelo y Fondo de Vila, bien sapartaos. Nesti postreiru está la armita de Santiago, qu’está faciendo las funciones de parroquia. Pur baxo’l barriu de La Lomba, qu’está casi abandonáu, llevántase’l templu parroquial que na actualidá nun está abiertu al cultu.

 

11737838_1845773785648273_3416683607811857002_n

Cartel festivu de Silván

Silván:

Vienres 24:

Discoteca Móvil.

Sábadu 25:

Alboriada y pasacalles cuno grupu de gaitas “Aires de Cabrera” de Pombriegu.
Santa misa y procesión n’honor a Santiago Apóstol.
Beille y verbena cuna orquesta California.

Datos d’interés:

Corazón de Cabreira, a 999 metros d’altitú, onde las casas amuéstrannos los sous corredores de madeira enñegrecida y d’antiguo abondaban los medeiros de paya, asina cumo los colmenares, recintos zarraos pur un muriu altu de piedras y situaos nún llugar asoliyáu.
Tien cuatro barrios: Santiago, Prosillo, La Peña y Fresnéu, no que s’atopa la armita de la Virxen del Fresnu ou Virxen del Castru. Al castru chegase xubiéndo varias terrazas; na parte cimeira del monte hai una gran lleira de piedras cun un foyu que pudiera corresponder a una torre defensiva sobre’l fosu. Un caminu bordia’l castru pul fosu. Hai qu’añedir un quintu barriu -Peñicas- de casas ñuevas.

 

11220795_966642533386810_399586979393617575_n(1)

Programa de fiestas de Trabazos

Trabazos:

Sábadu 25:

12:00: Santa misa y procesión, y despuéis beille vermú cuna orquesta Akuar.

Diumingu 26:

Alboriadas y pasacalles.
12:00: Santa misa y procesión, y despuéis beille vermú cuna orquesta Chiki Big Band.
17:30: Orquesta Chiki Big Band.

Datos d’interés:

Situáu nuna altura de 1.155 metros, Trabazos tien tres barrios bien diferentes: “Picu Llugar” el más altu, “Fondu Llugar” el más baxu, y en mediu, “La Canal” cuna armita del Cristu; El sentíu de pertenencia a los barrios foi históricamente bien fuerte, teniendo cada unu’l sou propiu beille y el sou seranu nas ñueites d’enviernu.

Esisten dúas imáxenes de Santiago: una, la que se saca en procesión, talla de madeira de tosca ellaboración, cun concha de pelegrín y actitú de “matamouros”; la outra, chamada “Santiago’l Vieyu”, dientru d’una hornacina, de madeira policromada y comida pula termita, yía de factura delicada.

 

Deja un comentario

Tu dirección de correo electrónico no será publicada. Los campos obligatorios están marcados con *