Música y tradición pa la Fiesta de Cabreira, el 11 de xuliu

P1010637.JPG

Concentracion de Pendones na fiesta de Cabreira 2013. Fotu: www.elcabreires.com

L’Ayuntamientu de Castriellu organiza estiañu la fiesta comarcal. Elcabreires.com amuéstravos el programa, qu’on tendrá dalguna sospresa más, tal cumo nos confirmóu l’alcalde Tomás Blanco

Cabreira prepárase pa la fiesta comarcal, estiañu yía la más enrayizada cona tierra, sinónimu de tradición y de costume, más que cualesquier outru añu. Pal Ayuntamientu yía “la celebración que debería representar a nuestra comarca, la más cabreiresa y la más participativa”, tal qu’asiñalóu esti vienres el reelexíu alcalde cabreirés.

Con un güeyu puestu no cielu, cona esperancia de que’l tiempu respete por que la fiesta se desenvuélva a la perfección na localidá de Ñogare, l’Ayuntamientu amuestra a ElCabreires.com el programa festivu pa qu’esi día tenga “el mismo éxito” que n’ediciones anteriores, y amás “sea un homenaje a la música y músicos de nuestra comarca que durante tantos años nos acompañaron en las fiestas de nuestros pueblos con la gaita, la chifra y el tambor” manifestóu Tomás.

Los festexos principian con una concentración de pendones a media mañana na localidá de Ñogare, estos vienen de toda la comarca. Van alzase y van dir en desfile hasta’l llugar onde se fa la fiesta, acompañaos polas tres bandas de gaitas de Cabreira: Corporales, Quintaniella (de Yuso) y Pombriegu. Eillí van esperar alzaos a que las autoridades deyan el pregón.

Yía la “velía” de los Campaneiros de La Cuesta, qu’a pesar de nun ser la meyor dómina pa la sua representación, saldrán a facer de las suyas, corriquiar conos rapaces y entizñar a la xente, mientras los gaiteros de Corporales animan el beille vermú.

Yá a las 14:30 yía’l momentu de desfrutar de la comida y intercambiar impresiones pa principiar a las 16:30 un seranu-fiadeiru organizáu pola Asociación Cultural Faceira y que va cuntar con una charra sobre toponimia cabreiresa al cargu del llingüista Fernando Álvarez-Balbuena, y la conferencia sobre cultura cabreiresa y concretamente sobre la muyier na comarca, al cargu de Dori Barrio. Nesti seranu, cumo en todos eillos, está abiertu a la participación de cualesquier persona.

De siguío, pa los más pequerrines, y nou tan pequeiños, va ser el turnu del Cuentacuentos Manolín el viaxeiru conos sous cuentos tradicionales, y de Fran Allegre, lutier y músicu tradicional que tocara xunto conos cuentos de Manolín, mueitos d’eillos de la xeografía llionesa.

Más tarde, a las 20:00, los gaiteiros de Quintaniella y los de Pombriegu van tocar y realizar una representación de danzas de la ñuesa comarca. Estos darán pasu al primer pase de la magnífica Orquesta Royal que dirá abriendo la ñueite hasta las 22:00, cuando será l’empiece’l pratu fuerte de la fiesta, con un pequeiñu homenaxe a los músicos de Cabreira pal intre dar pasu al grupu de música tradicional d’anguaño Tarna. Esta formación, que fa pouco tiempu sacóu’l sou sigundu discu, van tocar temas de toda la rexón llionesa, incluyendo un cantar homenaxe a Moisés Liebana.

Luar Na lubre tocará de siguío a las 12:00 la ñueite. Los gallegos, que participoron en conciertos a lo llargo de todu’l mundu, van interpretar temas del sou últimu trabayu cona aportación de la ñueva cantante, incorporada fa pouco tiempu al grupu. Despúeis d’eillos, a las 2 de la mañana, va ser outra vé la orquesta Royal quien anime la ñueite con música moderna, y pa rematar la fiesta, pa los festaxeiros qu’on aguanten, conos ritmos electrónicos de Solangrey DJ. Cumo ñovedá, ésti va convocar una encuesta al traviés d’ElCabreirés.com y la sua cuenta de Facebook, pa escoyer los ritmos d’anguaño que-ye gustaría escueitar esta ñueite a la xente.

orquesta royal

Orquesta Royal. Foto: Legados

Va haber zona d’acampada de baldre pa los que vengan de más lluenxe, y tamién puestos de venta de camisetas y llibros rellacionaos cona comarca. El programa, que va cuntar con dalguna qu’outra sospresa extra, va ser confirmáu en poucos días pol consistoriu de Castriellu. Eiquí deixámosvos los horarios que yá están confirmaos:

12:00 Concentracion de Pendones

12:45 Chegada de pendones y llevantamientu pa recibir a las autoridades

13:00 Pregón

13:30 Gaiteiros de Corporales y Salida de Campaneiros de La Cuesta

14:30 Comida

16:30 Seranu Cabreirés con Asociación Cultural Faceira

– Fernando Álbarez-Balbuena: “Los ñomes de la tierra. Toponimia popular cabreiresa“
– Dori Barrio: “La muyier cabreiresa“

19:00 Manolín Cuentacuentos y Fran Allegre

20:00 Conciertu de Gaiteiros de Quintaniella y Gaiteiros de Pombriegu con beilles rexonales

21:00 Orquesta Royal

22:15 Homenaxe a la música y músicos de Cabreira

22:30 Conciertu de Tarna

00:00 Conciertu de Luar Na Lubre

02:00 Orquesta Royal

04:30 Solangrey DJ

2 thoughts on “Música y tradición pa la Fiesta de Cabreira, el 11 de xuliu”

  1. Ismael says:

    Hola!!
    Yo pienso que la mayor parte de lo que as escrito aquí de cabreires no tiene mucho por que yo me e criado allí y la mayoría de las palabras así no las escuaba.un saludo

    1. Xepe Valle says:

      Hola Ismael, los artículos de ElCabreirés están escritos en la variedad lingüística de asturleonés occidental, el propio del occidente leonés. Intentamos en la medida de lo posible utilizar vocabulario cabreirés y tomar como base el dialecto cabreirés. Es posible que en alguna ocasión empleemos alguna palabra que sea menos común o conocida pero te aseguro que es vocabulario propio de León y Zamora. Queremos respetar las hablas locales, que como sabrás en la propia Cabreira también difieren de una localidad a otra (como ejemplo, La Baña, Truchas o Marrubio), pero apostamos por unas bases que lleven a la normalización lingüística. Por eso seguimos las normas ortográficas de la Academia de la Lengua Asturiana. En cualquier caso aceptamos las críticas, nuestra intención es escribir acercándonos lo más posible a la lengua oral, y tomaremos en cuenta cualquier corrección u opinión que nos hagáis llegar. Un saludo.

Deja un comentario

Tu dirección de correo electrónico no será publicada. Los campos obligatorios están marcados con *