Fiestas de San Pelayo 2016 en Soutiellu

Tres días de fiestas nos qu’esti llugar cabreirés va rindir devoción al sou patrón

Fiestas de Soutiellu

Fiestas de Soutiellu

El vienres día 24 de xuniu a partir de las 21:00 horas de la ñueite habrá una gran chourizada a la que van estar convidaus de baldre tódolus asistentes. Esa mesma ñueite la verbena estará animada pula Orquesta Menfis.

El sábadu día 25 lus más pequerrines van poder desfrutar a partir de las 16:30 horas de lus castiellus hinchables, y a las 21:30 horas habrá una gran pulpada pula voluntá de 3 €. De siguío habrá beille cuna Orquesta Dinastia hasta últimas horas de la ñueite. No descansu de la orquesta tamién va sortease un xamón.

Pa rematar las fiestas, el diumingu 26 Soutiellu espertará cun una alboreada y pasacalles. A la 13:15 horas será la Santa misa y no intre encomenzará’l beille vermú.

El visitante que chegue a Soutiellu pue visitar l’armita de Nuestra Señora de Los Remedios, que data del añu 1770, asina cumu la igresia parroquial que cunta cun una torre d’espadaña de 3 cuerpus. Aquesta tien una campana de 1880 y outra de 1770 cuna llienda “mira, vence, reina y después nos defienda de todo mal”. Desde’l sou pórticu pue contemplase’l retabru barrocu onde descansa una imaxen del patronu San Pelayo.

Deja un comentario

Tu dirección de correo electrónico no será publicada. Los campos obligatorios están marcados con *