Fiestas en Castriellu pur San Juan

Del 23 al 25 de xuniu las celebraciones n’honor a San Juan nun van parar nesti municipiu cabreirés

Cartel de fiestas de San Juan

El vienres día 23 aspérase una gran ñueite musical no bar de la fiesta.

Al outru día, el sábadu 24 de xuniu, principiará la fiesta a las 11:00 de la mañana cuno recorríu de lus gaiteirus pulas caleyas del llugar y despuéis la Santa Misa, precesión y beille vermú. Pula tardiquina y pula  ñueite la orquesta “Florida” va animar la velada hasta última hora de la ñueite.

El diumingu día 25, volverá haber alboreada, beille vermú, y una charanga qu’animará l’ambiente festaxeiru.

Outrus datus d’interés

Lus oríxenes de Castriellu podemus atopalus no sou propiu ñome, yá que deriva d’un antiguu castru ástur que foi ocupáu y aproveitáu pulas lexones romanas. El visitante puede atopar murias d’aquel castru d’antias casi ocultas pulus subiadales na redolada onde s’atopa l’armita. No mirmu puebru pueden vese perfectamente tres antiguas canales ou carriles de captación d’augua que se dirixían a las vieyas minas romanas d’ouru d’As Médulas. La canal más alta vai pula Fuente del Sapu, la entremedia coincide cuna carreteira qu’entra al puebru, y la inferior purbaxu de Castriellu. A poucus quilómetrus del puebru atopamus cun un antiguu castru romanu chamáu La Cárcava, que sirvía p’acoyer a lus trabayadores responsables de la construcción d’esti complexu de canales y minas d’inxeniería romana.

Deja un comentario

Tu dirección de correo electrónico no será publicada. Los campos obligatorios están marcados con *