Fiestas en Pombriegu pur San Antonio de Padua

Esti llugar cabreirés celebra mañana las suas fiestas n’honor al Santu lisboeta

Cartel de la festividá

El martes día 13, día de San Antonio, principiará cun pasacalles de la charanga “Río Selmo”, y despuéis Santa Misa y precesión a la 13:00, que va siguir cun un beille vermú a cargu de la mesma charanga.

Pula tardiquina, a partir de las 20:00 horas, beille de tarde cun “Laura y su acordeón”.

Outrus datus d’interés

Pombriegu yía una guapa aldeya onde se pue visitar al pía de la sua igresia’l chamáu cumu l’Árbol del Amore, qu’en primavera lluz espectaculare.

El puebru está arrodiáu de campus qu’antias forun llabraus cumu tierras de centenu, monte baxu, soutus de ribeira formaus pur oumeirus, salgueirus y freñus, y un singular monte de sufreirus no llugar que chaman La Remangada.

Purbaxu’l puebru, cerca del barriu de Lus Chanus, desaugua’l rieu Benuza no Cabreira. Esti postreiru tuvo nas suas ouriellas una ferrería construyida no siegru XVIII pul abá Benitu Zoube del Monesteriu de San Pedro de Montes.

Deja un comentario

Tu dirección de correo electrónico no será publicada. Los campos obligatorios están marcados con *