Fiestas en Soutiellu pur San Pelayo

Tres días de fiestas nos qu’esti llugar cabreirés va rindir devoción al sou patrón

Cartel de fiestas pur San Pelayo

El vienres día 23 de xuniu a partir de las 21:00 horas de la ñueite habrá una gran chourizada y nesa mesma ñueite la música estará’l cargu de DISCO MOVIL CHIC.

El sábadu día 24 lus más pequerrines van poder desfrutar a partir de las 16:30 horas de lus castiellus hinchables, y a las 21:30 horas habrá una gran pulpada cun patacas y empanada pula voluntá de 3 €. De siguío habrá beille cuna ORQUESTA IMPERIO hasta últimas horas de la ñueite.

Pa rematar las fiestas, el diumingu 25 Soutiellu espertará cun una alboreada y pasacalles. A la 13:15 horas será la Santa misa y no intre encomenzará’l beille vermú.

Outrus datus d’interés

El visitante que chegue a Soutiellu pue visitar l’armita de Nuestra Señora de Los Remedios, que data del añu 1770, asina cumu la igresia parroquial que cunta cun una torre d’espadaña de 3 cuerpus. Aquesta tien una campana de 1880 y outra de 1770 cuna llienda “mira, vence, reina y después nos defienda de todo mal”. Desde’l sou pórticu pue contemplase’l retabru barrocu onde descansa una imaxen del patronu San Pelayo.

Deja un comentario

Tu dirección de correo electrónico no será publicada. Los campos obligatorios están marcados con *