Fiestas n’honor a San Lucas en Ñogare

San Lucas, al qu’en Ñogare tienen gran devoción, y del que se guarda una fermosa talla policromada, yía consideráu’l patrón de la medicina. Eillo yía pur cuenta de qu’esi yiera l’oficiu d’esti Santu al qu’esti sábadu se-ye rindirá oufrienda

nogare

Cartel de fiestas

Esta yía la programación festiva que va haber el sábadu día 15 d’outubre:

  • 12,00 h. Santa Misa y precesión n’honor a San Lucas.
  • 14,30 h. Comida na escuela servida pul restorán Sabugo (tickets pa la comida no mirmu restorán).
  • 18,00 h. Tradicional Campeonatu de Tute. Cun premios pa la pareya campeona y subcampeona.
  • 21,00 h. Gran beille de tarde cuno Trío Medianoche.
  • 01,00 h. Gran verbena cuno Trío Medianoche. No descansu de la verbena habrá Bingu y sortéu de:
    • Una camiseta del F.C. Barcelona robrada pur Lionel Messi.
    • Una camiseta del R. Madrid robrada pur Cristiano Ronaldo.
    • Un cordeiru.
El Llobu-graciosu. Fotografía de Pepe Liñán

El Llobu-graciosu. Fotografía de Pepe Liñán

La etnografía

Pula tardecina de seguru que vamos tener oucasión de ver al personaxe del Llobu-Graciosu, un personaxe que tien mueita relación conu Antroidu y cunas danzas de palotéu. Hai años chamábase-ye solo pul ñome de Graciosu y salía’l segundu día de la fiesta. Na actualidá, cumo solo cuntamos cun un día festivu, namás aparez pula tarde. La sua función yía la d’acompañar a la comisión de fiestas que vai casa pur casa pidiendo l’aguinaldu, onque ora yía pa pagar la orquesta. El Llobu-Graciosu entra dientro de las casas de los vecinos y d’esa maneira consígue que suelten más perras pa la fiesta.

Deja un comentario

Tu dirección de correo electrónico no será publicada. Los campos obligatorios están marcados con *