Fiestas n’honor a San Pedro en Llomba

Llomba prepara los cuhetes pa la próxima fin de semana

Cartel de fiestas

Cartel de fiestas

El sábadu día 2 vamos poder cuntar cuna presencia del Dúo América, qu’animará’l beille de la tarde, quienes volverán a tocar na verbena de la ñueite.

Pal diumingu día 3 hai programaos varios actos pa rematar la fiesta. A las 13:00 horas va celebrase la Santa Misa y despuéis va ser el beille vermú cuna charanga Los Amigos.

A poucos kilómetros de Llomba podemos visitar l’armita de Santa Elena, llevantada no añu 1849 gracias al rector D. Manuel Elías López, ñatural de Llomba. L’armita atópase asitiada entre rocas y tien una piqueiña torre d’espadaña cun corredor. No arcu de la sua portada está grabada la siguiente inscripción: “Vivan los devotos de este Santuario”.

Esta armita sufriéu una terrible queima no añu 2013 que la deixóu prácticamente en ruinas peru gracias a l’ayuda de l’acción popular qu’axuntóu a cientos de donantes, y del propiu conceyu, consiguiéuse restaurar dafeitu un añu despuéis esta fermosa armita cabreiresa.

Deja un comentario

Tu dirección de correo electrónico no será publicada. Los campos obligatorios están marcados con *