Fiestas patronales de Quintaniella de Llousada

Las fiestas de San Pedro vuelven pur outru añu más a esti guapu llugar cabreirés nus días 1, 2 y 3 de santamariña

Cartel festivu de las fiestas de San Pedro 2016

Cartel festivu de las fiestas de San Pedro 2016

El vienres día 1 vamus tener cumu anticipu una gran verbena cuna orquesta Morfeo.

El día grande, sábadu 2, va haber alboriada cun gaiteirus que recorrerán cuna sua musiquina las caleyas del llugar antias de la Santa misa y precesión, y tamién despuéis no vermú. Pa rematar el día, el beille de la tarde y la verbena de la ñueite va ser al cargu de la orquesta La Bamba.

El diumingu, chamáu eiquí San Pedrín nestas fiestas, va ser l’últimu día de fiestas nesti puebru. El vermú y el beille de la tarde va estar animáu pur un Dúo Musical.

Quintaniella de Llousada yía un puebru onde on se mantienen dalgunus de lus palombares más tradicionales de la provincia de Llión. D’antiguo Quintaniella foi capital de la Gobernación de Cabreira, y yiera eiquí onde vivía’l gobernadore. Esti feitu dióu cierta importancia a la localidá, onde on güei tamién se mantien en pía dalguna casa siñorial cun blasón d’armas, y onde antias houbo cárcel, xueces, escribanus y funcionarius del marquesáu de Villafranca. Tamién foi bien importante’l mercáu que se facía desde’l principiu la primavera hasta pasáu San Pedro.

Deja un comentario

Tu dirección de correo electrónico no será publicada. Los campos obligatorios están marcados con *