Fiestas patronales de Quintaniella de Llousada

San Pedro yía’l patrón que va presidir nus días 30 de xuniu, 1 y 2 de santamariña las celebraciones d’esti llugar de Cabreira Baxa

Cartel de las fiestas de San Pedro

Cumu anticipu vamus tener el vienres día 30 una gran verbena cuna orquesta LA BAMBA.

El sábadu 1, a la 13:00 será la Santa Misa y la precesión, y despuéis vendrá’l beille del vermú. Cumu novedá esti añu a las 18:00 horas va haber una FIESTA DE LA ESPUMA pa toda la rapaciada. Pa rematar el día de fiesta, el beille de la tarde (21:00 horas) y la verbena de la ñueite (01:00 horas) va ser al cargu de la orquesta ALABAMA.

El diumingu, San Pedrín, va ser l’últimu día de fiestas nesti llugare. El vermú y el beille de la tarde va estar animáu pur un DÚO MUSICAL.

Outrus datus d’interés

Quintaniella de Llousada yía un puebru onde on se mantienen dalgunus de lus palombares más tradicionales de la provincia de Llión. En tiempus d’antias Quintaniella foi capital de la Gobernación de Cabreira, yiera pur tantu onde moraba’l gobernadore. Esti feitu dióu cierta importancia al llugare, onde on güei tamién se mantien dalguna casa siñorial, y onde d’antiguo había cárcel, xueces, escribanus y funcionarius del marquesáu de Villafranca. Tamién yiera bien importante’l mercáu que se celebraba desde’l principiu de la primavera hasta pasáu San Pedro.

Deja un comentario

Tu dirección de correo electrónico no será publicada. Los campos obligatorios están marcados con *