Fiestas patronales d’Iruela

Esta fin de semana van ser las fiestas n’honor a San Antonio, qu’estiañu vuelven a tener outra vez una variada oufierta cultural y d’ociu

Cartel de fiestas d'Iruela

Cartel de fiestas d’Iruela

El sábadu 30 de santamariña va ser el día de lus xuegus tradicionales. A las 17:00 horas de la tarde va haber xuegus pa lus rapaces nas Eiras y a partir de las 19:00 horas no mesmu llugar principiará’l Campeonatu de Bigarda. Pula ñueite la Orquesta Dragón animará la velada desde las 00:00 horas hasta las 05:00 de la madrugada.

El diumingu día 31, celebración a las 11:45 horas de la Santa misa n’honor del patrón d’Iruela, San Antonio. Y despuéis vermú cuna música tradicional de lus gaiteirus y cun paella pa tódolus paisanus del llugare. A las 17:00 de la tarde será’l campeonatu de Tute, y a las 18:00 la fiesta de disfraces nas Eiras. Las fiestas terminarán cuna orquesta Medianoche, que tocará de 19:00 a 22:00 horas.

Iruela yíe un puebru situáu a 1110 metros d’altitú, llugar de ñacencia de José Rodriguez Losada (1797-1870), famosu reloxeiru afincáu en Londres y autor del reló de la Puerta del sol de Madrid qu’estiañu va cumplir 150 añus de la sua inauguración.

Cun una guapa arquitectura populare, del patrimoniu arquitectónicu d’Iruela podemos destacar un palombar conserváu na ouriella dereita del rieu Iruela, l’armita de San Antonio, la fraugua, el molinu, las antiguas escuelas, y el templu parroquial del que yíe bien interesante la restauración del Cristu y el trabayu de llimpieza del retabru mayor feito pur Severino Carbajo y Pilar Ortega, cuñecíus pintores residentes en Truitiellas.

Pur San Antonio, no día 17 de xaneiru, sacrificábase un xatu y partíase la sua carne entre lus cofrades de l’armita de San Antonio. Lus restus del bancu onde s’espartizaba l’animal on pueden vese a la entrada l’armita.

Deja un comentario

Tu dirección de correo electrónico no será publicada. Los campos obligatorios están marcados con *