Fiestas pur San Juan en Castriellu

Del 24 al 26 de xuniu las celebraciones n’honor a San Juan nun van parar nesti municipiu cabreirés

castriellu

Cartel de fiestas

El vienres día 24 aspérase una gran ñueite musical animada cun mueitas sospresas no Bar de San Juan.

Al outru día, el sábadu 25 de xuniu, principiará la fiesta a las 12:00 de la mañana cuno recorríu de lus gaiteirus pulas caleyas del llugar y a las 12:00 Santa Misa, precesión y beille vermú. Pula ñueite, a las 21:00 y tamién a partir de las 00:30 horas, la orquesta “V Versión” va animar la velada hasta qu’a última hora de la ñueite tódolus asistentes podrán desfrutar de chourizus fervíus.

El diumingu día 26, volverá haber alboreada, beille vermú, y una charanga qu’animará l’ambiente festaxeiru.

Lus oríxenes de Castriellu podemus atopalus no sou propiu ñome, yá que deriva d’un antiguu castru ástur que foi ocupáu y aproveitáu pulas lexones romanas. El visitante puede atopar murias d’aquel castru d’antias casi ocultas pulus subiadales na redolada onde s’atopa l’armita. No mirmu puebru pueden vese perfectamente tres antiguas canales ou carriles de captación d’augua que se dirixían a las vieyas minas romanas d’ouru d’As Médulas. La canal más alta vai pula Fuente del Sapu, la entremedia coincide cuna carreteira qu’entra al puebru, y la inferior purbaxu de Castriellu. A poucus quilómetrus del puebru atopamus cun un antiguu castru romanu chamáu La Cárcava, que sirvía p’acoyer a lus trabayadores responsables de la construcción d’esti complexu de canales y minas d’inxeniería romana.

Deja un comentario

Tu dirección de correo electrónico no será publicada. Los campos obligatorios están marcados con *