Fiestas de Santa Marina en Sigüeya

Sigüeya

Cartelin na fiesta de Cabreira

Beilles, orquestas y misas na localidad cabreiresa pa celebrare esti sábadu y diumingu las fiestas n’honor de Santa Marina

Esti sábadu día 18 de santamarina principian las fiestas de Santa Marina en Sigüeya cun Santa misa y procesión que va siguir cun un beille vermú a cargu de la pareya musical “Nostalgia” y que van estar animadas esa tardiquina y ñueite pula actuación de la orquesta “La Leyenda“.

El diumingu día 19 pula mañana va haber Santa misa y procesión que va siguir cun un beille vermú al cargu d’una gran orquesta de nome  descuñeciu, que volverá tocar tamién pula tardiquina y ñueite.

Las personas que visiten Sigüeya pueden visitar la igresia dedicada al Santu Cristu, cun airosa espadaña y situada no cimeiru de la cuesta del terrenu. Esti puebru sufriéu escavaciones auríferas nas rubias tierras del Torniellu, del Ñaval, de la presa del Rial, etc. y tien minas de cobre nas cercanías de la Degollada, y de fierro nas Casales, y activas canteiras no Rigueiru del Rial, y minas de pizarra en La Escrita. No paraxe denomináu El Castru hai restos d’un castru ou corona cun un pozu inclináu contra’l Matu de carbayos, dándose la coincidencia de que nesi Matu una especie de túnel xube hacia El Castru. Y no Matu de Las Cuartas, na llomba chamada El Castriellu, on pueden vese y tocar los brancos xeixos de cuarzu que conforman un cuadráu, posible base ou llizaza d’un castiellu.

Deja un comentario

Tu dirección de correo electrónico no será publicada. Los campos obligatorios están marcados con *