Flan de güevu… a la romana

Fiestas, celebraciones y cumpleañus. Nunca faltóu esti sabrosu postre tradicional nas sobremesas cabreiresas

Flan de güevu tradicional

Flan de güevu tradicional

Y cumu casi todu en Cabreira, l’orixen d’esti postre tan llambrión podríamus atopalu nus romanus. Estus facían una especie de flan al que chamaban tyropatina (posiblemente del griegu TYRO, queisu, y de la palabra latina PATINA, el que fora’l pratu, escudiella ou recipiente qu’utilizaban lus romanus pa cumere).

La primer receta d’esti flan, de la que se creye que’l sou autor yía’l gastrónomu romanu Marcus Gavius Apicius, aparez nun recetariu manuscritu del siegru IV chamáu De re coquinaria (Sobre materia de cucina) no qu’aparecen recetas asgaya d’época romana. Quiciás la única diferencia entre aqueilla primeira receta de flan de fa 2.000 añus y l’actual, yía que lus romanus espolvoriscaban pemienta purcima del flan cuayáu, nou cumu ora que lleva carambelu.

La receta romana: Toma lleite, la cantidá que calcules pa esti pratu, reméxela cun miel hasta adulzala. Pon cincu güevus pa mediu llitru, ou se yía un cuartu de llitru, tres güevus. Mézclalu cuno lleite hasta que se faigan una sola cousa. Cólalu nuna escudiella de barru cocíu y cucínalu a poucu fuegu. Cuando se cuaye, espolvorisca de pemienta y sírvilu.

Na Edá Media consumíase siempre na época de la Cuaresma. Pur aqueilla yá yiera un postre dulce, nou cumu’l de lus romanus, y adulzábase cun miel pur cuenta de la escasez de la azúcara. A partir de que’l mercader venecianu Marco Polo principiara a comercializar la caña d’azúcara de la India no siegru XIII, y sobremaneira, cuando lus colonizadores españoles la llevorun a América creyando grandes plantíus pa la producción d’azúcara, yía cuando’l miel utilizáu pa cucer lus flanes principia a sustituyise pul carambelu feito cuna azúcara.

El ñome de flan, pul que todus cuñecemus a esti postre, chegóunus no siegru VII desde Francia, onde tien el significáu d’enxendra xermánica de “torta prana”.


FLAN DE GÜEVU



Ingredientes

  • 1/2 llitru de lleite.
  • 4 güevus.
  • 5 cuyaradas d’azúcara (70 gramus).
  • Carambelu líquidu (pal molde).

Ellaboración:

Arroxamus el fornu hasta unus 170º y mientras, batemus el lleite cuna azúcara y lus güevus.
Preparamus el molde que vamus untar cuno carambelu (pa facer el carambelu usamus una media d’augua pur cada tres d’azúcara y calentamus espacín hasta que se ponga marrón).
Tiramus no molde la mestura de lleite, azúcara y güevus.
Metémoslu no fornu al bañu maría hasta que cuaye (unus 30 minutines). El recipiente de l’agua tien de cubrir siquiera la metá del molde del flan.
Cuando yá estía cucináu deixamoslu enfriar y despuéis metémoslu no frigoríficu.
Antias de sirvir desmoldamoslu nun pratu fondu pa que guarde todu’l líquidu del carambelu.

¡Buen proveitu!

Deja un comentario

Tu dirección de correo electrónico no será publicada. Los campos obligatorios están marcados con *