Forna regresa a las primeiras décadas del siegru XX

Pur segundu añu consecutivu esti llugar cabreirés recuperará las roupas tradicionales y aquel xeitu de vestir que tenían lus ñuesus güelus

Rapacinas de La Baña (año 1932).

Drentu lus actus programaus pa lus días 2, 3, 4 y 5 de xuniu, nas fiestas fornesas n’honra a la Virxen de lus Remedius, la Xunta Vecinal volverá organizar una concentración de traxes cabreireses d’época própios de las décadas de los años 30, 40 ou 50 del siegru pasáu.

Tódalas personas que lu deseyen, seyan ou nou del puebru, podrán participar nesta guapa iniciativa’l diumingu día 4. La Xunta Vecinal pidiéu nun esquecer que nun se trata de revestise cun un disfraz cumu se fora l’antroidu, senóu qu’hai que tentar facer un esfuerciu piquiñín pa que seya lu más rial posible no que respecta a la roupa d’época.

Ñestoncias, ¿cúmu se debe dir vistíu pa esta oucasión?

Puede que mueitus de nós yá nun conservemos aquellas roupas d’outrora, pero pa quien queira tener una ideya próxima a cúmu debería ser el conxuntu adecuáu pa vistir esi día, quiciás podríamos tomar cumu exemplu una de las meyores descripciones que sobre la roupa cabreiresa d’aqueilla fa l’escritor estorganu José Aragón Escacena na novela costumista de 1921 ambientada no llugar de La Baña.

L’autor diz sobre la muyier que «lleva la cabeza cubierta con el clásico mantiellu, que sólo deja el óvalo de la cara. Viste camisa de lino, cultivado en sus riberas, y sobre ella un justillo de amplio y redondeado escote. De la cintura, y por encima del justillo, pende un rígido y pesado rodáu de pardo, que sujetan con un uriellu. Calza pesados zruecos de cuero con suela de madera y lleva piales, medias que llegan sólo hasta el tobillo y que sujetan al pie una trabilla que pasa por debajo del empeine». Del home, diz Aragón Escacena, qu’el sou traxe yía «de paño de pardo: calzón ajustado, almilla y montera. Calza como la mujer, los recios zruecos sobre los piales de lana».

¿Qué más actividades festaxeiras va haber?

Cartel de fiestas.

Vienres 2

  • 22,00 h. Inauguración del bar de la fiesta cun música.

Sábadu 3

  • 16,30 h. Campeonatu de bolus cabreireses no recintu deportivu la Bodega.
  • 17,00 h. Concursu de tortiella de patacas na carpa del Bar (regramentu: namás está permitíu utilizar un ingrediente).
  • 23,00 h. Beille cuna actuación del TRIO AZAR.

Diumingu 4

  • 11,30 h. Salida de la precesión desde la igresia d’abaxu cunus pondones del llugare, lus gaiteirus y de las personas que deseyen dir vistidas cun roupas d’antias, hasta chegar a l’armita onde será la Santa Misa.
  • 19,00 h. Beille de tarde cuna actuación del TRIO FLORIDA.

Llunes 5

  • 13,00 h. Santa Misa y precesion hasta la praza de Cristu acompañaus de gaiteirus y pondones. Despuéis habrá beille y vermú.

Deja un comentario

Tu dirección de correo electrónico no será publicada. Los campos obligatorios están marcados con *