Gran romería pur Santa Elena

Nesta primer fin de semana de mayu va celebrase en Llomba la romería de Santa Elena, llugar al que lus cabreireses tienen gran devoción pur cuenta d’esta santa que tantas penurias sufriéu según la tradición cristiana

Cartel de la programación festiva pur Santa Elena

Cartel de la programación festiva pur Santa Elena

Yía una de las romerías cun más tradición pur esta zona de Cabreira, y de las que mayor númaru de personas concentra n’armita de Santa Elena, a poucos kilómetros de Llomba. Antias celebrábase’l 3 de mayu pero ora fazse coincidir cuno primer diumingu del mes de mayu.

L’armita foi llevantada no añu 1849 gracias al rector D. Manuel Elías López, ñatural de Llomba. Atópase asitiada entre rocas y tien una piqueiña torre d’espadaña cun corredore. No arcu de la sua portada está grabada la siguiente inscripción: “Vivan los devotos de este Santuario”Esta fermosa armita cabreiresa sufriéu una terrible queima no añu 2013 que la deixóu prácticamente en ruinas peru, gracias a l’ayuda de l’acción popular qu’axuntóu a cientus de donantes, consiguiéuse arregrar dafeitu un añu despuéis.

Estiañu la celebración va principiar el sábadu cuno pregón, cun beille, verbena y fuegus artificiales, y el diumingu va ser el día propiu de la romería, que va cuntar cun misa y procesión, música tradicional cunus gaiteirus d’Aires de Cabrera, beille, y pregón de la romería de Santa Elena al cargu d’Iván Martínez Lobo, collaborador d’ElCabreirés.com.

Veleiquí’l programa completu:

Sábadu 30 d’abril

Comienzu de la fiesta cuno pregón al cargu de l’alcaldesa pedánea de Llomba.

  • 20:00 h. Beille cuna Orquesta GLA.
  • 22:00 h. Gran tirada de fuegus artificiales.
  • 00:30 h. Verbena

Diumingu 1 de mayu

  • 12:00 h. Primeira misa.
  • 13:00 h. Misa cun procesión acumpañada de lus gaiterus del grupu de folclore Aires de Cabrera. Tras la misa pregón de la romería de Santa Elena al cargu d’Iván Martinez Lobo, y despuéis beille-vermú cuno Dúo Harmonía Musical, que volverán tocar despuéis de cumere.

 

Deja un comentario

Tu dirección de correo electrónico no será publicada. Los campos obligatorios están marcados con *