Grandes fiestas de Llousadiella n’honor de San Antonio

Llousadiella celebra mañana y pasáu una de las suas fiestas más populares

Cartel de fiestas de Llousadiella

Cartel de fiestas de Llousadiella

Mañana sábadu día 18 de xuniu principian las fiestas de San Antonio en Llousadiella que van estar animadas pula ñueite cuna verbena del Dúo Carmín.

Pal diumingu a las 13:00 horas será la Santa misa y precesión que va siguir cun un beille vermú, y pula tardiquina outra vez beille de fin de fiesta cuno Dúo Carmín.

Las personas que puedan visitar Llousadiella nestus días van poder apreciar la grandeza qu’un llugar tan piqueiñu pue apurrire. Ésta yía una aldeya asitiada nuna pendiente xunto al rieu Cabreira, y las suas casas, d’una arquitectura tradicional bien guapa, tienen trazas de llevantase directamente de las peñas de pizarra.

La vieya igresia del puebru tien un aire místicu y medieval, que recuerda a aqueillos primeirus templus que fonun fundaus en Cabreira. Igresia que d’outramiente foi sustituyida na actualidá pur outra edificación ñueva. D’aqueilla primixenia igresia conservóuse l’altare, asina cumu las imáxenes de San Antonio, San Roque y la Virxen de l’Asunción, peru la pieza que quiciás seya la más importante, yía la d’una Virxen María cuno ñiñu que foi tallada no siegru XII.

Paga la pena tamién recordar el Ramu tradicional cabreirés qu’on se mantien en buen estáu en Llousadiella. El ritu del ramu, que pulu que se ve foi un ritu arbóreu anterior al cristianismu, tovo mueita tradición nesti llugare. El ramu yiera una especie d’armazón piramidal de madeira que s’adornaba cun mantus y tirelus de colores, al que se-ye deixaban oufriendas de cumida cumu bollas, dulces ou roscas. La sua función yiera, y yía, la de facer oufriendas a lus santus pa lo que se cantaban versus y tonadas cumu esta:

«En este pequeño alto,
en esta hermosa capilla,
habita el patrón San Roque,
vecino de Losadilla.»

Deja un comentario

Tu dirección de correo electrónico no será publicada. Los campos obligatorios están marcados con *