Grandes fiestas de Soutiellu pula Virxen de los Remedios

La romería dedicada a La Ñuesa Siñora de los Remedios va xuntar desde mañana a cientos de cabreireses y tamién a mueitas personas venídas d’outros llugares

Cartel de fiestas

Cartel de fiestas

Eiquí puede consultase’l programa de las actividades que mañana principian n’honor de la Virxen de los Remedios y de las grandes fiestas de Soutiellu:

Día 7, miércoles

  • 21,00 h. Discoteca Chic y despuéis gran chourizada.

Día 8, xueves

  • Alboriada y pasacalles.
  • 12,30 h. Precesión.
  • 13,00 h. Santa misa.
  • 14,00 h. Beille vermú.
  • 16,00 h. Beille na armita cun Armonía Musical.
  • 22,00 h. Gran churrascada, pula voluntá de 3 euros. Beille cun Orquesta Morfeo y sortéu d’un xamón no descansu.

Día 9, vienres

  • 10,00 h. Pasacalles y alboriada.
  • 13,00 h. Santa misa y precesión.
  • 14,00 h. Beille vermú.
  • 16,00 h. xuegos infantiles.
  • 21,00 h. Gran cena cun xabarín y empanada. Y despuéis beille cuno Trío Florida.

 

La precesión de la Virxen fazse saliendo desde la igresia parroquial de San Pelayo, que yía la que s’atoupa más cerca’l puebru, y camínase hasta chegar a l’armita de La Ñuesa Siñora de los Remedios, onde se celebra la misa. Una llienda cunta la enxendra d’esti fermosu llugare: Diz qu’una vez un home viéu a la Virxen y ésta díxo-ye qu’onde chegara una piedra que tirara, ende sería onde se construyiría una armita. Y asina foi cumo se diéu orixen a l’armita y cúmo alredor d’eilla terminorun construyendo’l puebru de Soutiellu.

IMG-20150904-WA0012

Paisaxes de Soutiellu. Fotografía de Sary Blanco.

Esta bella y apacible armita foi construyida no añu 1778, y el sou mayor arregru y restauración foi no añu 2003. Yía dignu de mentar el sou artesonáu y el sou altar de pizarra, asina cumo la sua cuidada redolada. La bien rematada igresia de San Pelayo foi construyida unos años antias, no 1772. Yía singular pur tener una espadaña de tres cuerpos y dous campanas, una del añu 1880 y outra del 1744 que tien grabada la llienda “Mira, vence, reina y después nos defienda de todo mal”. Desde’l sou pórticu puede contemplase’l retabru barrocu cuna imaxen de San Pelayo.

Soutiellu atóupase nuna altitú de 960 metros, y los sous principales barrios son el Bardiusu, l’Apartadeiru, el Cabu, el Chaneiru, la Casavieya y el Regueiru. Cumo la gran mayoría de puebros cabreireses la sua economía básase na esplotación pizarreira, actividá que consiguiéu mantener la vida no llugare.

El puebru tien outros atractivos, el sou impresionante paisaxe ñatural del que yá nos fala’l mesmu ñome’l puebru (Soutiellu, pequeiñu soutu ou arboleda xunto a una veiga), asina cumo la sua arquitectura tradicional. Yía unu de los puebros cabreireses que meyor supo restaurar y mantener el sou patrimoniu, y que puede vese al pasiar entre las suas caleyas, pul molinu tradicional chamáu Rastreiru, pula fraugua, los fornos, los palombares, ou pula fuente cun llavadeiru que s’atopa a la fin del puebru.

Deja un comentario

Tu dirección de correo electrónico no será publicada. Los campos obligatorios están marcados con *