Fiestas n’honor a San Esteban en Marrubiu

 

Durante dous días chigará la fiesta a esta localidá de Cabreira Baxa, una de las aldeyas que meyor conserva las suas tradiciones

 

Programa de fiestas

El sábadu día 1 d’agostu a las 13:00 horas celebraráse la Santa misa n’honor a San Esteban. Pula ñueite a partir de las 21:00 horas gran beille cunu Trío Mayel, que volverá ñuevamente a tocar tras la cena, desde la 01:00 hasta las 04:00 horas de la mañanica.

El diumingu yía’l día de lus rapaces, yá qu’a partir de las 17:00 de la tardecina van poder brincar y trotar sobre’l castiellu hinchable y despuéis participar na fiesta de la espuma.

 

Marrubiu cunta cunu Centru d’Interpretación de la Casa Cabreiresa, que s’atopa nun antiguu payar restauráu qu’antias sirvía de corte pal toru comuñal del puebru. Neste centru pueden atopase tódolus elementos típicus que formaban parte de la vivienda cabreiresa: l’escandu, el cantareiru, l’alacena, l’fugaceiru, el chambaril pa colgar la matanza, etc. Neste centru d’interpretación hai cousas tan chamadeiras cumu’l carretu, una especie de parque infantil que sirvía pa tener de pías y entreteníos a lus ñiñus qu’on nun andaban, o’l bancu de velare, que se ponía na casa del fallecíu y yiera d’usu comuñal.

Lus trabayus de restauración arquitectónica tamién inclúyen a las vieyas escuelas, la fraugua y la fuente.

Deja un comentario

Tu dirección de correo electrónico no será publicada. Los campos obligatorios están marcados con *