Grandes fiestas en Saceda pur San antonio

Esti llugar de Cabreira Baxa celebra esta fin de semana las suas fiestas n’honor al santu orixinariu de Lisboa

El vienres 2 de xuniu a las 00:00 horas principiará la fiesta cuna DISCOTECA MÓVIL JUMA y DJ CARLOS.

Cartel de fiestas

Pal sábadu día 3 habrá beille de tarde de 21:00 a 22:00 horas cuna orquesta MEDIALUNA. A partir de las 22:00 horas de la ñueite está organizada una degustación de xatu y patacas cun xabarín que va ser sirvida en pratu de barru y vasu pur 5 euros. Despuéis, la orquesta MEDIALUNA volverá a tocar pa lus más festaxeirus de 00:30 a 04:00, ou hasta qu’el cuerpu tenga aguante.

El Domingu día 7 a partir de la 13:00 va celebrase la Santa Misa y despuéis el vermú.

Aproveitando la visita a Saceda podemos visitar las canales romanas d’esta localidá. Desde’l puebru sale l’antiguu caminu de La Mata, que yía una antigua canal romana cun 6 km transitables hasta chegar al rieu Cabu. Nesta canal aprécianse bién las carrilladas, las marcas de lou carrus, yá qu’hasta va unas décadas utilizábase parte del recorríu d’estas canales cumu caminu de carrus, pur esu tamién se-yes chama “carriles” ou “carrunas”.

Deja un comentario

Tu dirección de correo electrónico no será publicada. Los campos obligatorios están marcados con *