Grandes fiestas en Saltalavilla n’honor a la Virxen del Rosariu

La oufierta cultural y festaxeira vuelve outru añu más a esti llugar de Cabreira

Cartel de fiestas de Saltalavilla

Cartel de fiestas de Saltalavilla

Indicámosvos eiquí’l programa completu:

Sábadu, 1 d’outubre

  • 16,00 h. Campeonatu de Subasta.
  • 17,00 h. Xuegos infantiles.
  • 20,00 h. Beille de tarde y ñueite cuna orquesta Quinta Versión.
  • 21,00 h. Guisu de xabarín y churrascu (pula voluntá de 3 eurines).

Diumingu, 2 d’outubre

  • 11,00 h. Misa y precesión.
  • 12,00 h. Pasacalles de gaitas y pandeireta cuno gurpu de folclore Aires de Cabrera.
  • 13,00 h. Beille vermú cun Aires de Cabrera.

Outros datos d’interés:

Saltalavilla fa honor al sou propiu topónimu (del llatín SALTU, arboleda ou soutu, y VILLA) al ser un llugar arrodiáu de castañeiros centenarios y sufreirales. Sigún los biólogos forestales estos soutos son el restu de lo que n’outru tiempu fora un ecosistema de monte mediterráneu casi aislláu nún hábitat de transición a las condiciones atlánticas.

Esti llugare, asitiáu nuna llomba entre los regueiros de La Guiana (ou de La Sierra) y d’Hortolocenos, tien orixen nún castru cun una función defensiva dafeitu. Na Edá Media tuvo dous monesterios, unu d’eillos cuna advocación de San Alexandru y fundáu pur San Xenadiu no añu 915 y desaparecíu a mediaos del siegru XV, y el de San Pedru y San Pablu de Forcellas, restauráu pul mirmu santu pur encargu del rei Ramiru II no añu 935.

Sin duda outra de las cousas que tamién pagan la pena visitar en Saltalavilla son las cuevas escavadas a la entrada del puebru, las que pur mueitos años sirvieran de bodegas.

Deja un comentario

Tu dirección de correo electrónico no será publicada. Los campos obligatorios están marcados con *